Iha loron 1 fulan Setembro 2020, iha auditoriu DGSRN nian, Diretor Geral Servisu Rejistu ho Notariadu nian Crisogno Neto entrega decisão CFP No. 3793/2020/PCFP nian kona-ba nomeasaun regime subtituisaun Diretor DMCSRN Município Manufahe, Sr Domingos Sarmento Freitas. Após entrega decisão CFP nian, tuir kedas ho entrega termo servisu nian husi Diretor Cessante DMCSRN Município Manufahe nian ba Diretor Sucessor DMCSRN Município Manufahe.

Iha serimónia refere, partisipa husi Diretor Geral, Diretor DNRN, Sr. Joao Fernandes Martins Borges, Diretor DNICRC, Sr Victor da Costa Neto, Chefes departamentos sira iha âmbito DNRN ho DNICRC, Conservadores, Notario no funsionarius sira no Chefe Gabinete Apoio Administração ba Diretor Geral.

Oportunidade ne, Diretor Geral Servisu Rejistu ho Notariadu hato’o agradesimentu ba Sr. Diretor Cessante DMCSRN Município Manufahe nian, Sr. Natalino Cesar da Silva, hodi hala’o nian mandato Komisaun Servisu tinan hirak nian laran hodi xefia DCRCN ka DMCSRN ho diak no sucesso. La nega katak, durante nian hala’o mandatu iha Diresaun refere, hasoru desafios oin-oin. Ho maneiro ninian rasik konsegue hakat liu barreira sira.

Ikus mai, Sr Diretor Cessante hetan oportunidade ba bolço estudu husi JICA. Sr. Diretor Cesante eskolla kontinua hala’o estudu do que hala’o Komisaun Servisu. Eskolla bolço estudu ne’e, mos direito ida funcionário públiku. Nu’udar Diretor Geral tenke respeita no aseita, decisão ne’ebé funcionário rasik hili ona.

Tamba ne’e, DG SRN propoin ba Sua Exa Ministru Justisa naran funcionário na’in rua hodi subtitui Sr Natalino Cesar da Silva. Sua Exa Ministru Justisa aprova ona kandidatu refere Sr. Nelson Branco, atual funcionario DMCSRN Município Manufahe. Lista kandidatu ba kargu Diresaun ho Xefia Ministériu Justisa nian hato’o ba Komisaun Funsaun Publika, hodi halo analize no halo verifikasaun conforme prosedimentu regime em subtituisaun nian. Husi lista refere, Komisaun Funsaun Públika rejeita kandidatu Sr. Nelson Branco, tamba seidauk preenche rekesitus ( sei Kategoria TA/E, 7 ).

Nune’e, DG propoin fali naran funcionário seluk mak Sr. Domingos Sarmento Freitas ba Sua Exa Ministru Justisa no hetan aprovasaun no enkamina ba CFP. Husi Komisaun Funsaun Publika nomea mak Sr Domingos Sarmento Freitas.

Ho razaun, tamba Sr Domingos Sarmento Freitas preenxe rekesitu hirak neébé Komisaun Funsaun Públika hatuur ba nomeasaun ho regime subtituisaun nian:
Habilitasaun literaria Mestrado;

Kategoria TP, Grau D;

Experiéncia servisu 19 anos

Experiénsia hanesan Xefe ba Departamento Administrasaun DNRN tinan ida.

Ho nomeasaun ba Sr. Domingos Sarmento Freitas ba Diretor DMCSRN nian, Estrutura Diresaun Jeral Servisu Rejistu ho Notariadu nian hahú husi Nasional toó DMCSRN 12 Município nian preenche houtu ona.

Funsionamentu servisu registu ho notariado nian husi nacional to’o Munisipiu bele dehan funsiona diak ona.

Ba dala uluk hakarak hato’o parabéns ba Sr. Domingos Sarmento Freitas neébé mak nomea ona ba Diretor ba DMCSRN Município Manufahe. Nomeasaun ne’e, la’os presente ida, maibe instrusaun ka ordem ida neébé nakonu ho responsabilidade moral no profissional atu hala’o komisaun servisu ho tempu nebe determinadu. Nu’udar Diretor iha obrigasaun tomak hodi exerze funsoens hanesan gestor DMCSRN iha Município. Banati ba regras aplicáveis funcionalismo público nian no regras sira seluk nebe iha nakai ho servisu registu ho notariado nian.

Diretor foun tenke adapta uluk situasaun no ambiénte iha Município Manufahe. Tenke konese karakter funsionariu ida-ida molok halo jestaun. Tamba ne’e, komunikasaun mak dalan diak hodi bele koñese buat houtu. Kuandu ita koñese ona situasaun, ita iha ona forsa no korajen atu halo mudansa ruma, pelo menos muda ambiénte servisu, hodi hasa’e disciplina funcionários nian, hasa’e espiritu servisu nebe diak, hala’o komunikasaun vertikal no horizontal, hasa’e produtividade servisu funsionáriu sira nian, halo atendimentu nebe maksimu ( lalais no mamar).

Nu’udar Diretor nebe hala’o jestaun mak halo plano hodi konkretiza servisu tekniku operasionais nebe mai husi programa Diresaun Jeral nian, DNRN ho DNICRC. Diresiona rekursu hirak nebe iha DMCSRN Municipio refere hodi konkretiza actividades planeadu. Superviziona ba actividades hirak nebe hala’o iha DMCSRN no ikus relata rezultadu actividades no desafios ne’ebé DMCSRN Municipio refere enfrenta.

Husu mos ba Diretor DMCSRN Munisípiu Manufahe nian, atu halo koordenasaun servisu diak ho linhas sektoriais ne’ebe iha Munisípiu refere, rona no obedese mos ba Sr. Administrador Munisípiu refere.

A partir ohin ba oin Diretor Geral hahú halo avaliasaun ba Diretor Nasional sira, Diretor DMCSRN Municipal sira, no Chefe Departamentos sira.
Pontu hirak mak sai referénsia ba Avaliasaun hanesan: iniciativa, kreatividade, gestão ba rekursus, komunikasaun, prestasaun servisu, resolusaun ba problema, no komportamentu.
Ikus liu ha’u desejo Sr Diretor atu hala’o Komisaun Servisu ho diak no sucesso iha DMCSRN Munisípiu Manufahe.