MINISTERIU JUSTISA PROGRAMA DIVULGASAUN LEI


Lesuhata, 20/7/2021, Sua Execelencia Vice Ministru justisa, Realiza Programa Divulgasaun Lei iha Postu Administrativu Turiskai suku Lesuhata ho suku Fatukalu, Municipio Manufahi.
Sua Excelencia,Dr José Edmundo Caetano ho nia ekipa tomak kontinuasaun programa divulgasaun Lei iha suku Lesuhata no suku fatukalu konsentra iha EBC (Sigla Portugues) Lesuhata, Posto Administrativu Turiska.

Iha atividade ne’e topiku tolu mak apresenta ba komunidade sira, mak hanesan, Lei no 13/2017 Regime Espesial ba Definisaun Titularidade Bein Imoveis, dekretu Lei no. 8/2017 kona ba Espropriasaun ba Utilidade Publika no dekretu Lei no. 9/2002 konaba Nasionalidade.

Lori materia ne’e mak hanesan Dr. Onorio A. Magalhães, e Chefe Departementu
Assessoria Jurídica e Política Legislativa aprezenta dekretu Lei no. 13/2017 Regime Espesial ba Definisaun Titularidade Bein Imóvel, Lei no. 9/2002 ho tema Nasionalidade aprezenta husi Dr. João Fernando Martins Borges, Director Nasonal Servisu Registu I Notariado no decretu Lei No. 8/2017 kona ba Espropriasaun Utilizasaun Publika, aprezenta husi Dr. Francisco Vascu, Dr. José paulino ho Dr. Celito Cardoso husi diresaun nasional Direitus Humanus i Cidadania.

Iha sosializasaun ne’e, komunidade hato’o difikuldades barak iha momentu ne’e kona ba Rai no dokumentus Legalidade sira hanesan Bilete Identidade Sertidaun RDTL, Passaporte,I kona ba Nasionalidade porkauza laiha matadalan nebe hatudu ba sira hodi asesu ba prosesu legalidade cadastru nian nune’e sempre mosu problema iha sira nia leet no mos distansia nebe mak afeta tebes sira hodi trata dokumentus nebe mak mensiona iha leten, nune'e sira kontenti tebes programa divulgasaun ne’e hodi fasilita no halo sira komprende didiak prosesu legalidade sira iha rai doben Timor Leste ida ne’e.

Entre tantu, administrador posto Administrativu Turiskai ho nia komunidade ne’e rekomenda tan Ministeriu Justisa presiza lori programa divulgasaun ne’e tama sai suku para komunidade sira bele entende didiak i bele krk tinan 1 ka 2 liu tenke lao iha suku no postu sira nune’e komunidade sira bele komprende malu no hatene klara liu kona prosesu sira ne’e para hamenus problema iha entre sira. “Tenik administrador”

Finalidade husi programa ne’e  Sua Execelensia foto hamutuk ho komunidade sira iha suku lesuhata.

Arcanjo Viana das Neves
Media Gabinete Vice Ministru Justisa