Karbulau , 28/7/2021, Sua Excelencia,Dr José Edmundo Caetano, ho ekipa realiza programa Divulgasaun Lei iha Suku HolaRua, Posto Administrativu Same Municipio Manufahi.
Prezensa Sua Execelencia Vice Ministru Justisa iha Postu Administrativu Same hanesan suku Holarua no Tutuluru konsentra iha aldeia Karbulau, antusiasmu simu Governante ne’e ho nia ekipa. Programa divulgasaun halo liderasan komunitaria hanesan Administrador, Comandante Esquadra, chefe Suku, Lia Nain, ho komunidade, kontenti no apresia mai hotu partisipa iha aprezentasaun programa ne’e iha Salaun Sede Aldeia Karbulau.

Sua Execelencia, liu husi nia diskursu hato’o agradesimentu ba lideransa komunitariu ho nia komunidade tomak nebe fuan ida laran ida, kontenti simu programa nebe husi Ministeriu Justisa nian. Tan ne’e Oitavu Governu Konstitusional lori justisa iha komunidade hodi hatudu lolos justisa ba povo atu komprende diak hodi kolabora estado alkansa ba futuru hadia dezenvolviementu lori Timor Leste ba oin. Ministeriu justisa hamriik inparsialidade, transparansialidade hodi defende no promove povo nia direitu.

Dr. Onorio A. Mangalhães, e Chefe Departementu politika I legislative-DNAJL aprezenta dekretu Lei no. 13/2017 Regime Espesial ba Definisaun Titularidade Bein Imóvel, Decretu Lei no. 9/2002 ho tema Nasionalidade aprezenta husi Dr. João Fernando Martins Borges, Director Nasonal Servisu Registu I Notariado no decretu Lei No. 8/2017 kona ba Espropriasaun Utilizasaun Publika, aprezenta husi Dr. Francisco Vascu, Dr. José Paulino ho Dr. Celito Cardoso husi Diresaun Nasional Direitus Humanus i Cidadania.

Komunidade ne’e, husu ba Ministeriu Justisa atu haruka tekniku sira fasilita povo kbiit laek sira nebe iha liu area rurais i aselera lalais programa kadastru nian para tun ba terenu hodi bele regista ou sukat sira nia toos no natar sira hodi nune’e bele hamenus problema kona baliza toos no natar. Nia sublina tan katak parte notariadu bele buka alternativu hodi fasilita inan aman sira nebe mak lao ladiak ona no sidadaun estranjeiru nebe mak kaben ho ema timor oan to’o ferik katuas ona mos sedauk hetan direitu nudar sidadaun Timor. Tan ne’e liu husi Ministeriu Justisa bele haruka tekniku sir aba iha base para fo atendimentu ba komunidade sira nebe iha area rurais.

Enceramentu ba programa ne’e, Sua Execelencia ho ekipa hasai foto hamutuk lider komunitariu, lia nain I komunidade sira iha salaun Aldeia Karbulau Admnistrasaun Postu Same