Hatobiliku, 30 / 7 / 2021, Sua Execelencia Vice Ministru Justisa ho Ekipa Ministeriu Justisa Realiza Programa Divulgasaun Lei iha Suku Mausiga no Nunumoge, Posto Administrativu Hatobeliku.Municipio Ainaro.
Programa divulgasaun ne’e, sua excelecencia Vice Ministru Justisa ho kometiva realiza iha suku nunumoge i mausiga nebe konsentra posto administrativo hatobeliku. Ministeriu Justisa lori Justisa ba iha komunidade hodi proteze no promove direitus humanus sosiadade nian iha rai doben ida ne’e. Nune’e hatudu lolos justisa ba ita nia povo tomak para satisfasaun ba direitus humanus ne’e iha. Neduni nudar governate tenke asegura nafatin sosiedade sira iha justisa nia oin.

Decreto Lei tolu (3) mak hanesan Lei no. 13/2017 Regime Espesial ba Definisaun Titularidade Bein Imóveis. Aprezenta husi Dr. Onorio A. Mangalhães, Chefe Departementu politika i legislativa -DNAJL.
Lei no. 8/2017 konaba Espropriasaun ba Utilidade Publika. Aprezenta husi tekniku superior Dr. Celito Cardoso, funsionario DNDHC. Alende materia, Sublina katak programa husi Ministeriu Justisa ne’e diak liu no atu asegura direitus humanus, esplora povo nia direitu, halakon tristeza no hamenus risku, kolabora malu, promove nafatin lei sira ne’e iha futuru mai. Tane aas justisa iha ita nia rai rasik hodi hamutuk dezenvolve rai doben Timor Leste.
Lei no. 9/2002 konaba Nasionalidade. Lei ne’e aprezenta husi Director Nasional Servisu Registu I Notariado ( DNSRN sigal L Portugues) , Dr. João Fernando Martins Borges.

Director ne’e, fo nia motivasaun ba komunidade sira hodi hakbesik an ba edifisiu diresaun Notariado,prosesa dokumentus legal pesoal sira. Nudar sidadaun iha bilete indentidade, certidaun RDTL no selu-seluk tamba barak mak sedauk hetan dokumentus hanesan ne’e. Maibe komunidade sira hatan ba situasaun katak ami iha area rurais difikulta tebes, tamba distansia no durasaun prosesa dokumentus hirak ne’e. ho nune’e komunidade sira sugere ba execelencia ne’e, karik bele haruk tekniku sira ba iha terenu hodi hasai deit sira dadus pois submete mai nasional hodi prosesa. Diretor sublina, sei buka mekanismu ida hodi bele fo atendimentu ne’e to iha komunidade nia leet.
Autoridade local, Konseilu suku no konseilu pastoral, komunidade sira, hato’o nia preokupasaun barak ba orador sira. Iha sermonia ne’e, lider komunitariu no Lia Nain sira iha kestiona liu-liu kona ba regista riku soin rai nebe sira iha, maibe sira konfusaun i oinsa atu prosesa tuir legal, maibe liu mekanismu ho programa divulgasaun ne’e bele esplika klaru nune’e loke sira nia fuan nebe nakonu ho duvidas, para kopera malu, labele hasai kroat ba malu I harmoniza ambiente iha komunidade nia leet.