Maudemo Tilomar, 27/9/2021, Sua Execelencia Vice Ministru Justisa, Realiza Programa Divulgasaun Lei iha suku Maudemo, Postu Administrativu Tilomar Municipio Covalima.
Sua Excelencia,Dr José Edmundo Caetano ho nia ekipa realiza programa divulgasaun Lei iha Posto Administrativu Tilomar suku Maudemo kompostu husi suku haat (4) hanesan suku Maudemo, Lalawa, Cassabauc, Beiseuc. Komunidade sira ho laran antoziasmu simu Execelencia nia presenza iha sira nia leet.

Iha sorumutu ne’e, participa iha husi Autoridade Postu Administrativu Tilomar, Autoridade Lokal husi Suku haat, Comandante Esquadra Posto Administrativo Tilomar, Diretor Notariadu Municipio, Diretor Teras Propriedades Municipio,funsionario CNE, STAE, Sentru Saude, Reverendissimu Amo Paroqu Tilomar no mos komunidade sira hotu husi Postu ne’e rasik.
Iha Programa ne’e Lei tolu mak apresenta ba komunidade , mak hanesan, Lei no 13/2017 Regime Espesial ba Definisaun Titularidade Bein Imoveis, dekretu Lei no. 8/2017 konaba Espropriasaun ba Utilidade Publika no dekretu Lei no. 9/2002 konaba Nasionalidade. Orador mak hanesan Dr. Onorio A. Mangalhães, e Chefe Departementu Diresaun Assesoria Juridiku i Legislasaun aprezenta dekretu Lei no. 13/2017 Regime Espesial ba Definisaun Titularidade Bein Imóvel. Lei no. 9/2002 Nasionalidade aprezenta husi Dr. José paulino chefe departementu Divulgasaun Lei iha Diresaun DNDHC. Decretu Lei No. 8/2017 kona ba Espropriasaun Utilizasaun Publika, aprezenta husi Dr. Celito Cardoso husi diresaun nasional Direitus Humanus i Cidadania.

Iha sosializasaun ne’e, komunidade hato’o difikuldades barak iha momentu ne’e kona ba direitu ba Rai i oinsa bele exerce dever nudar sidadaun uza patrimoniu publiko hanesan fatin transmigrasaun no dokumentus Legalidade sira hanesan Bilete Identidade Sertidaun RDTL, Nasionalidade porkauza laiha matadalan nebe hatudu ba sira hodi asesu ba prosesu legalidade cadastru nian nune’e labele hamosu desintendimentu iha sira nia leet i mos distansia nebe mak afeta tebes sira hodi trata dokumentus nebe mak mensiona iha leten, sira kontenti tebes programa divulgasaun ne’e hodi fasilita no halo sira komprende didiak prosesu legalidade sira iha rai doben Timor Leste ida ne’e. tamba komunidade barak mak kaben ho sidadaun estrangeiru sira. Infelismente komunidade balun observa maluk balun seidauk hela kleur iha timor maibe hetan uluk ona dokumentus hanesan Eletoral ho dokumentus balun tan ne’e presiza medida ida hodi resolve para labele prezudika be komunidade sira seluk.

Finalidade husi programa ne’e  Sua Execelensia foto hamutuk ho komunidade sira iha salaun sede suku Maudemo.