Ministériu Justisa (MJ) Diresaun Jerál Administrasaun no Polítika Justisa, liuhosi Diresaun Nasionál Rekursu Humanus (DNRH) hala’o programa formasaun ba exatidao iha Postu Administrativu Maubisse, Minisípiu Ainaro durante loron-Lima, hahu husi loron 20 to 24 fulan Setembru tinan 2021. Formasaun ne’e partisipa husi funsionariu Dirasaun Jerál tolu iha âmbitu Ministeriu Justisa.

Programa formasaun ne’e hala’o bazeia ba Proposta ne’ebé Ministériu Justisa halo iha tinan 2020 ba iha komisaun funsaun publiku nomos Fundu Dezevolvimentu Kapitál Umanu (FDHC) hodi realiza programa formasaun tekniku Exatidao iha 2021. ho objetivu atu kapasita funsionáriu Ministériu Justisa liu liu sira ne’ebé iha areá rekursus umanus, finansas públika aprozanamentu hodi hasa’e sira nia koñesimentu klean atu sai servadór ba ajente Estadu. Formasaun ne’e partisipa hosi ema nain 20, feto nain 12 no mane nain 8.

Sua. Exa Ministru Justisa, Dr. Manuel Cárceres da Costa, iha sesaun abertura hateten katak, “programa formasaun ida ne’e importante tebes ba formandu sira tanba relasaun ho imi nia servisu loron loron nian ho nune’e ita boot sira aprende ho didiak hodi nune’e sai ezemplu ba sira seluk, tanba ita forma ema atu sai ema, dalaruma ita boot sira iha loron ruma sai direjente.

Iha parte seluk Diretora Jerál APJ Dra. Marcelina Tilman da Silva aprezeta mos relátriu badak kona ba formasaun téknika exatidao ba funsionáriu Ministériu Justisa. Formasaun ne’e realiza bazeia ba Lei no 38 2012 01 agustu kona ba formasaun dezenvolvimentu nomós Dekreitu-Lei no 05/2019, 27 marsu premeira alterasaun hosi Lei no 01 2008, 24 janeiru kona ba Rejime Promasaun ba pesoal terena ba administrasaun públika, lei ida hateten katak funsionáriu sira iha Direitu no Dever atu tuir formasaun ho minimu oras 40.

Objetivu husi formasaun ida-ne’e atu promove no hasa’e koiñesimentu exatidao ba funsionáriu Ministériu Justisa nee’ebé mak liga ho sira nia servisu hodi haree liu númeru no dadus hodi nune’e bele kontribui ba dezempeñu iha nia funsaun.
Iha lian makloke, Komisáriu Funsaun Públika Dr. António Da Silva hateten katak, formasaun ida-ne’e importante tebes ba fusionáriu públiku liu-liu ba iha Ministériu Justisa atu bele servisu ho profisional hodi dezempeña ba servisu atu eleva sira nia koiñesimentu iha téknika Exatidao hodi lori susesu ba Ministériu Justisa.

Subtansia matéria prinsipál ne’ebé iha formasaun téknika exatidão ne’e mak hanesan, exatidão prespetiva ba kualitativa no kuantitativa ba osamentu baze de-dadus, hato’o husi Diretór DNTP, Sr. Helder Cosme Marcal, exatidão prespetiva ba área Jestaun Finansas Públika no Jestaun Aprovisionamentu, hato’o husi Assessora Finansas Ministériu Justisa, Dra. Sandrina Santos, exatidão prespetiva psikolojia hato’o husi Assessora Psikololojia Dra. Delylah Paula O. P.Soares. Iha sesaun husu no hatan iha mós kolaborasaun ho fasilitadór sira.

Iha Prosesu formasaun ne’e ho metodu partisipativu, ne’ebé fasilitadór ida-idak halo aprezentasaun matéria konaba téknika exatidao. Hafoin de aprezentasaun, fasilitadór sira loke oportunidade ba prosesu husu no hatán hodi haklean matéria ida-idak no ikus mai fahe ba grupu diskusaun. Prosesu diskusaun la’o iha ambiente rona malu no kritiku tebes. Hafoin diskusaun grupu ida-idak halo aprezentasaun ba rezultadu diskusaun nomós hetan intervensaun hosi partisipante sira seluk.

Hafoin remata formasaun durante loron-lima, partisipante sira simu kedan sertifikadu hosi Diretora Jerál Administrasaun no Polítika Justisa,