Dili, 13/10/2021, Ministru Interino Dr. José Edmundo Caetano, Partisipa iha Enkontru Konsellu Ministrus iha Palacio do Governo.
Konsellu Ministrus hala’o sorumutuk iha Palásiu Governu Dili, no analiza aprezentasaun kona-ba polítiku lejizlativa subjasente sira ba inisiativa revizaun Lei Sistema Saúde nian, ne’ebé aprezenta husi Ministra Saúde, Odete Maria Freitas Belo.
Ministra Saúde halo mós aprezentasaun ida kona-ba rezultadu kampaña vasinasaun ne’ebé konta ho partisipasaun membru Governu sira hotu, ne'ebé hahú iha loron 30 fulan-setembru.
Durante períodu ne’e, membru Governu sira ba iha munisípiu hotu hodi fahe informasaun kona-ba vasina kontra COVID-19 no sensibiliza populasaun ba nesesidade vasinasaun nian.

Desde hahú kampaña ho partisipasaun membru Governu sira, administra ona vasinasaun totál 78.165, ne'ebé hanesan aumentu ida 17% husi persentajen vasinasaun iha nivel nasionál.
Durante semana husi loron 30 fulan-setembru to’o loron 10 fulan-outubru, Bobonaru nudár munisípiu ho kreximentu boot liu, ho aumentu 303%, ho totál hamutuk ema nain 7487 ne’ebé simu ona vasina iha periodu ida-ne’e, liu tan 5629 duké iha semana anteriór. Tuir fali munisípiu Baukau ho kreximentu 122%, ne’ebé vasina tan ema hamutuk 5286 duké iha semana anteriór. Munisípiu Ermera iha ona 97% kompara ho semana anteriór husi inísiu Kampaña vasinasaun ho membru Governu sira, ne’ebé vasina tan ema hamutuk 3885 duké iha períodu anteriór.

vasina dahuluk Pfizer nian, ne’ebé destina hodi permite vasinasaun ba joven sira idade tinan 12 to’o 17, to’o iha Timor-Leste iha loron 16 fulan-Outubru oin mai, husi Mekanismu COVAX.