>Lei, 18/10/2021, Sua Execelencia Vice Ministru Justisa, Dr. Jose Edmundo Caetano Hala’o Kampanha Vasinasaun kontra COVID-19 iha Posto Administrativu Laclubar Municipio Manatutu.
Vice Ministru kontinua hala’o campanha vasinasaun iha Aldeia Lei Suku Orlalan Posto Administrativu Laklubar Municipio Manatutu, hamutuk ho pesoal saude sira, fo informasaun konaba COVID-19 ba populasaun sira iha aldeia refere atu nune’e kontribui ba estado i hakbesik aan ba pesoal saude sira hetan vasinasaun kontra COVID-19.

Hafoin rona tiha esplikasaun husi Vice Ministru, komunidade aldeia Lei suku Orlalan ho antusiasmu hodi simu kedas vasinasaun, komunidade sente orgulho ho prezensa Membru Governo nebe mak hakbesik aan ba sira hodi hato’o lia nebe kalru liu no kredivel, antes ne’e komunidade suku Orlalan ulun toos tamba tauk, maibee komunidade sira rona rasik Vice Ministru nia esplikasaun , sira pronto atu simu vasina kontra moras corona virus-19 iha fatin refere.

Depois iha aldeia Lei Vice Ministru kontinua ba iha suku Batara no aldeia Hadulas hodi fo informasaun nebe loos konaba Covid-19 ba populasaun sira iha fatin refere. Governate ne’e esplika misaun estado nian iha pandemia Covid nia laran atu salva guarda ninia povu no nasaun, nune’e vasinasaun ida ne’e laos hanoin atu oho nia populasaun rasik. Lalika fiar lia falsu sira iha media social no mos ema sira nebe lori informasaun laiha responsavel iha komunidade nia leet. Hafoin rona tiha esplikasaun husi Vice Ministru komunidades sira ho kontenti simu kedas vasinasaun husi pesoal saude sira iha fatin refere.