AILEU-Sekretáriu estadu Terras Propriedades (SETP) Mario Ximenes hala’o kampaña Vasinasaun ba Surtu COVID-19 nian iha munisípiu Aileu durante fulan 1, ne’ebé hahú iha loron 30 fulan-Setembru to’o loron 30 fulan-Outubro 2021.
Iha kampaña ne’ebé hahú ninia lansamentu iha Suku saburia, Postu Aileu Vila Munisípiu Aileuiha loron 30 fulan-Setembru 2021 nian ne’e, SETP hateten, kampña vasinasaun ba surtu COVID-19 nian ne’e hanesan parte ida atu fó hanoin bai nan-aman sira hodi labele fiar liu ba lia bosok, nune’e bele hakbesik-an ba iha postu saude sira hodi bele simu vasinasaun ba kontra suru COVID-19 nian mak oras ne’e dadaun invade hela iha Mundo inklui Timor-Leste.
Tuir Mario Ximenes, ema hirak ne’ebé mak durante ne’e lansa informasaun falsu ba komunidade sira ne’e hanesan parte ida atu impede komunidade sira hodi labele simu vasinasaun. Ida ne’e hanesan mós nia lakohi atu komunidade sira moris.
Durante kampaña membru Governu ne’e husu bai nan-aman sira atu bele fiar liu bai ha fontes kredivel sira, hanesan saude no informasaun hirak mak fósai hosi membru Governu sira.

Durante vasinasaun komunidade sira hetan konsumu informasaun falsu ka hoax dehan, bainhira simu vasina durasaun vida ema nian sei la dura, ba joven sira ne’ebé simu vasina sei la kous oan, ne’e bele hateten informasaun hirak ne’e bosok no la iha realidade.
“Estadu Timor-Leste hanesan ita nia inan aman, tanba ne’e, estadu ida ne’e nuka iha hanoin hodi oho fali nia povu, bainhira estadu iha hanoin atu oho nia povu entaun nia atu ukun sé, harik informasaun hirak mak lansa hosi ema hirak mak laiha responsablidade ne’e tebes, karik hanesan ne’e entaun tinan rua ka tolu tan mundu sei mamuk tanba ema ne’ebé simu vasina la’ós ita sira iha Timor-Leste deit, maibé mundu,” tenik Mario Ximenes.
Durante kampaña Administradór Postu Administrativu Remexio Gastão Mendonça hateten, governu hanesan povu nia aman-inan, nunka atu bosok nia povu sira, tanba ne’e husu ba sidadaun hotu-hotu tenki ba simu vasina hodi bele prevene-án hosi Surtu COVID-19 ne’ebé mak oras ne’e alstra ona iha Nasaun Timor-Leste.
Tuir dadus ne’ebé fó sai hosi postu Remexio kstsk, antes kampaña dadus ba vasina iha postu refere menus hosi pursentu lima-nulu (-50%) maibé hafoin membru governu sira tún direta hodi halo kampaña, total dadus ba sidadaun hirak mak simu ona vasina liu ona pursentu ualunulu (80%).
Durante kampaña ba Vasinasaun konrta Surtu COVID-19 nian iha loron 11 fulan-Outubro SETP reprezenta Ministru Justisa hodi hala’o mós ativdade hanesan iha aldeia Bua, Suku Uma Kaduak, Postu Administrativu Laclo Munisípiu Manatuto, no iha loron 22 fulan-Outubro 2021, SETP hamutuk ho Ministru Astunto Parlamentar no Komunikasaun Sosiál inklui mós Sekretáriu Estadu Arte no Kultura hala’o mós kampaña Vasinasaun nian iha Postu Administrativu Liquedoe, Munisípiu Aileu.*