Dili, 3/1/2022, Vice Ministru Justisa Dr. José Edmundo Caetano Assina Akordu Espesial Investimentu ho Empreza Pelican Paradise, Segunda-Feira ne’e iha Novu Turismu.
Iha ceremonia ne’e, participa husi Deputadus, Membru Oitavu Governu, Ministru/a Edukasaun, Agrikultor, MKAE, MTCI, Saude, MNEC, Ministru Prezidensia Konsellu Ministru, Vice Ministrus, Secretariu Estadu no mos Entidades sira.

Vice Ministru iha Nia Diskursu hateten Estadu Timor Leste Assina Akordu Espesial Investimentu ho Empreza Pelican Paradise atu nune’e mai halo Investe Turismu No Mos Area Nebe importante Iha ita nia Nasaun. Setor prioridade hanesan Edukasaun, Saude Turismu, no area seluk nebe mak produtivu Iha Rai Doben Ida Ne’e. liu husi akordu ne’e empreza sei selu arendamentu ba Estadu Timor Leste hodi kontribui ba dezenvolvimentu iha rai laran.

Akordu Espesial Investimentu ne’e, parte Estadu Timor Leste reprezenta husi Ministru Kondenador Assuntu Ekonomico Dr. Joaquim Amaral, nebe testemonha husi Ministru Prezidensia Konselho Ministru Dr. Fidelis Mangalhães.
Enkuantu akordu arendamentu Estado Timor Leste, reprezenta husi Vice Ministru Justisa, Dr. José Edmundo Caetano, nebe testemonha husi Ministru Turismu Comersiu no Industri, Dr. José lucas do Carmo da Silva, ho Pelican Paradise nia Prezidenti, Datuk Dr Ong Han Nam.

Estadu Timor Leste liu Ministeriu Justisa Autoriza rai hektares 500 ital nebe lokaliza Parte Tasi-Tolu no Tibar ne’e ba Empreza Pelican Paradise hodi Investe Ecoturismu no Escola i Saude nebe Estandarte Internasional iha Timor Leste. Iha akordu ne’e estadu kontratu ho empreza iha inisial durasaun tinan 50. Tuir rezolusaun 33/2015, 5 Outobru nebe hasai husi governu aprova I hahu konstrusaun refere.

Prezidenti Pelican Paradise hateten, sei hasoru dezafiu boot iha investimentu ne’e, nune’e sei servisu hamutuk estadu liu husi politika, investidor ninia determinasaun ho valor sinseriedade no integridade mak ita bele senti no hare benefisiu ba nasaun ida ne’e.