Dili, 18/5/2022, Sua Excelensia Vice Ministru Justisa Dr. Jose Edmundo Caetano (Saka Timor) Tuir Misa Agradesimentu Loron Restaurasaun Independensia Timor Leste ba tinan dala 20. Kuarta - feira ne’e, iha Katedral Villa Verde.

Misa agradesimentu ne’e diriji hosi Reverendisimu Amu Bispu Dom Virgilio do Carmo da Silva SDB. Iha misa ne’e partisipa maximu hosi Prezidenti foun, Dr. José Tamos Horta, membru deputadus Parlamentu Nasional, membru VIII governu Konstitusional, dipolmatiku sira, Dirijente F-FDTL no PNTL funsionarius, inlkui sarani sira hotu.

Iha omilia Arche Bispu Metropolitanu hateten liu husi misa ida ne’e ita hasae orasaun ba Aman Maromak no husu atu hamamar ita nia fuan haluha odio sira nebe iha no ukun nain sira servi ho didiak lori ita nia nasaun ne’e ba oin. Tamba nasaun ida ne’e sosa ho raan ho ruin, tan ne’e ita mos dignifika sakrafisio nebe heroi sira halo ba ita nia rai ohin loron ita selebra ona ba dala ruanolu. Husu nafatin ba Aman Maromak atu haraik paz no estabilidade ba ita atu bele hadia ita nia nasaun ne’e ho nabilan iha mundu nia matan.