Díli tersa loron 15/8/23: Ministru Justisa esplika katak, Sr. Prezidente konvida ba reuniaun ho objetivu, atu fo informasaun konaba preokupasaun relasiona ba sidadaun Timor oan balu, maka hanesan ita bo’ot sira hatene, ba rai liur atu buka servisu maibé depois hetan difikuldades.
Iha empreza ka kompanhia balu mos maka oferese dehan Timor oan bele ba servisu, maibé sira to’o tena iha estranjeiru, sira hasoru difikuldades. Tanba ne'e maka Sr. Prezidente konvida ba ba hasoru atu koalia no atualiza informasaun konaba asuntu refere. Sekretariadu Komisaun ida ne’e iha tutela Ministériu Justisa hodi trata núdar responsável ba matéria tráfico de pessoas. “ Human Tráfic ne'e konstitui krimi ida, krimi ida mak agora ita haré hanesan nia estatístika ne'e áas; kompara tanba timor ema uituan, parte balun lori sai sira ba rai-liur no entantu iha nebá sira sira súsar no sofre wainhira la hetan servisu, entaun iha kondisaun nune’e, ema sira ne'e dala ruma bele uza hanesan opurtunidade tama-involve iha rede tráfico humano ne'e; no mos dala ruma ema balu bele uza sira ba servisu forsadu , se-lae mós sira hetan servisu ne'ebé todan maibé pagamentus salário ne’ebe sira simu la tuir padraun internasional servisu iha estranjeiru; kazu hirak nuneé tama ona ba ligasaun krimi tráfico humano nian”.

Objetivu husi reuniaun ida ne'e maka, Presidente Repúblika ha'karak ha'tene simu esklaresimentu ho informasaun didiak, atu hatene oinsá Governo nia planu ba oin enkara problema tráfico humano ne'e; saida maka Governo halo ona iha tinan sira liu ba ne'e, no planu saida maka atu halo iha tinan ida ne'e ho ba oin. “Neé mak ami mai responde houdi informa ba Prezidente atu atualiza informasaun ba Prezidente konaba kestaun hirak nee. Ho informasaun no dadus kompletu maka Presidente wainhira simu ka halo vizita iha ona matéria lolós atu partilha ba parseiru sira””

Reuniaun ida ne'e realiza iha sala enkontru Prezidente da República Aitarak laran no akompanha husi Presidente Komisaun Trafiku de Pessoas ( Comissão da Luta Contra o tráfico Humano ) Fláviano Moniz Leão.