Dili-Emabixador Timor Leste ba Malaisia Jose Antonio Amorin Dias hasoru malu ho Ministru Justisa Dionisio Babo Soares hodi koalia liu kooperasaun diak liu entre Ministru Justisa Timor Leste ho Ministru Justisa Malaisia iha futuru.

Iha inkontru neé Embaixador Timor Leste ba Malaisia Jose Amorin informa katak governu Malaisia pronto atu halo kooperasaun diak liu tan ho Timor Leste iha futuru liu-liu iha setor Justisa .

“Hau hasoru malu ho Ministru Justisa atu koalia liu kona ba kooperasaun entre nasaun Timor Leste ho Nasaun Malaisia iha futuru liu-liu iha setor Justisa ”dehan Jose Antonio Amorin iha Gabinete Ministru Justisa quinta (12/13).

Hafoin hasoru Malu Ministru Justisa Dionisio Babo informa katak Ministeriu Justisa nakloke atu halo kooperasaun ho nasaun neébe deit atu bele dezenvolve tan instituisaun estadu nian liu-liu iha setor Justisa tamba agora dadaun Ministeriu Jusitsa iha diresaun barak mak komesa Dezenvolve internet iha Distritu hotu ona maibe oinsa mak tenke fo kapasitasaun ba funsionariu IT sira atu bele halo monitorizasaun no kontrola sistema neé.

“Ministeriu Justisa iha Diresaun barak husi Nasional toó Distritu mak komesa uza ona internet maibe tenke kapasita tan IT sira atu bele halo Kontrola no Monitoriza ba sistema neé ”Dehan Ministru Justisa Dionisio Babo hafoin hasoru Malu ho Embaixador Timor Leste ba Malaisia.