Dili-Ministru Justisa Dionisio Babo akompania husi Bispo Dioces Dili Dom Alberto Rircardo,Eis Prezidente Republica Jose Ramos Horta,Ministra Solidaridade Social Izabel Guterres, halo Natal hamotuk ho Prizoneirus Becora inkului mos Prizoneirus Gleno hodi rehabilita ba Prizoneirus sira atu nune fila ba sosiadade nian let bele kontribui ba dezenvolvimentu nasional.

Iha Serimonia neé Ministru Justisa Dionisio Babo hateten katak Serimonia Natal hamutuk neé hanesan reflesaun no halo rehabilita Prizoneirus sira banhira fila ba sosiadade nian let bele kontribui dezenvolvimentu ba pais ida neé tamba sira mai iha prizaun hodi kumpri sira nian sala neébe sira komete.

“Natal hamutuk ida neé hanesan reflesaun ida no rehabilita Prizoneirus sira neébe durante komete iha krimi hodi mai kumpri sira nian dever iha Prizaun tuir sira nian hahalok sira neébe sira halo iha sosiadade nian let”Dehan Ministru Justisa Dionisio Babo hafoin halo serimonia natal Hamutuk ho Prizoneirus sira iha Becora Sexta 28/12.

Minstru mos Informa tan katak Timor Leste iha Prizaun rua hanesan Becora ho Gleno neébe iha Ministeriu Justisa nian okos hodi administra no apoiu ba Prizaun rua neé durante neé mos iha Minsiteriu balun neébe relevante hanesan Ministeriu Solidaridade Social no ONG nasional sira neébe sempre fo apoiu ba Prizoneirus sira iha Prizaun.

MJ Salienta tan katak Prizaun laos atu kastigu ema maibe atu eduka ema sai ema tamba neé husu ba Prizoneirus sira atu bele aproveita didiak saida mak ita boót sira hetan husi Prizaun neé atu nunee aban bain rua fila ba sosiadade nian let bele inplementa ita bot sira nian matenek ne’ebe ita bot sira hetan iha fatin ida neé.

Iha fatin seluk hanesan Eis Prezidente Republica Jose Ramos Horta hateten katak Prizoneirus sira neébe komete krimi hodi mai kumpri ita bot sira nian sala iha Prizaun laos lakon imi nian direitu ba moris maibe lakon deit imi nian liberdade.