Maubara-Ministru Justisa Dionisio Babo akompania husi Direitur Nasional Terras e Propriedade Romao Guterres halo segundu Fase Lansamentu Komuniataria kona ba foti dadus nain ba rai iha Sub- Distritu Maubara Distritu Liquisa Sexta (04/2013).

Iha Serimonia Lansamentu neé Ministru Justisa Dionisio Babo hateten katak programa lansamentu komunitaria hodi foti dadaun ba rai neé hanesan segundu fase ona hodi indentdifika rai komunidade nian neébe sira hela ba tamba neé Ministeriu Justisa liu husi Sekretario Estado Terras e Propriedade hodi kontinua halo levantamentu dadus ba rai komunidade nian.

“Agora dadaun problema rai sai prekupasaun boót ba entidade hotu-hotu tamba ne’e husu sidadaun hotu-hotu atu resolve problema rai no resolve parselas entre komunidade ida ho komunidade seluk ho ulun malirin atu nunee labele rai hela todan ne’e ba iha ita nia jerasaun”dehan Ministru Justisa Dionisio Babo hafoin halo lansamentu foti dadus nain ba rai iha Distritu Liquisa,Sub-Distrito Maubara Sexta (05/01).

Ministru mos informa tan katak husu ba Komunidade hotu-hotu atu labele kolobora hamotuk ho Tekniku sira neébe atu mai halo levantamentu neé tamba tekniku sira mai laos atu resolve problema parselas entre komunidade ida ho kumidade seluk maibe sira mai atu foti dadaun ba rai neébe la iha problema sira bele foti ba rai neébe sei iha disbutak sira bele foti maibe tau tinta mean neé hatudu katak rai neé sei iha hela disbutak no sidauk resolve.

Iha fatin seluk Direitor Nasional Terras e Propriedade Romao Guterres hateten katak husu nafatin ba autoraidade lokal sira,no komunidade sira hotu atu kolobora hamotuk ho ita nian tekniku sira neébe atu mai halo levantamentu dadus ba rai.