Aprezentasaun Relatoriu ba Aktividades Ministério da Justiça ano 2008

Versão para impressão

Cnetro Formação

Aprezentasaun relatoriu aktividades Ministério da Justiça durante tinan 2008 ba dahuluk halo introdusaun husi Director Geral ministério da Justiça, Crisogno da Costa Neto nebe mos nudar moderador ba aktividades ne'e durante loron tomak. Aktividades ne'e realize iha salaun Delta Nova, Comor Dili,Kinta Feira 08 Janeiro 2009.

Iha serimonia ne'e Minsistra da Justiça nebe lidera aktividades aprezentasaun annual tinan 2008 ne'e iha Director hotu hotu no funsionarius ministério nia oin hateten," Husu ba Direcção ida idak hodi hato'o sira nia serviso durante tinan ida, depois to'o iha diskusaun ninia klaran hau hakarak atu husik deit direcção ida mak hato'o e direcção sira seluk bele kontribui. Karik saida mak ita boot sira halo durante tinan 2008, no saida mak ita boot sira seidauk halo, obstaklo saida mak ita boot sira hasoru purtanto bele hetan konstribuisaun husi maluk sira seluk atu hadia serviso direcção ida idak nian ba tinan 2009."

Ministra da Justiça, Dra. Lucia Maria Brandão Freitas Lobato iha nia observasaun badak hateten,"Ita deskute hamutuk ona ita nia plano ida,ita nia quadro de referensia de estrategiku nebe sefia ita durante tinan ida nia laran,hodi halao serviso iha ministério tomak.Tinan tinan ita sei elabora programa espesifiku atu bele implementa,sente prioriedade nebe durante tinan ida ne'e nia laran ita hotu hotu hanoin ba durante tinan ida nebe liu tiha ona,ida ne'e mak ita sei halo tan ba tinan ida nebe sei mai ne'e.Hau hateten katak esforso boot nebe ita halo durante tinan ida ne'e hanesan excercisiu ida atu ita hotu hotu atu bele banati tuir buat nebe ita aprova tiha ona,nune mos ita labele inventa programa governo nebe hetan aprova husi Parlamento Nasional,ida ne'e mak sefia ita to'o remata mandatu governo ida ne'e ninian."Iha aktividades nebe refere hetan partisipantes mai husi direcção walu nebe iha Ministério da Justiça nia laran hanesan Direcção Nasonal Administrasaun Finansas(DNAF),Direcção Nasional de Direitos Humanos e Cidadania (DNDHC),Direcção Nasional Assesoria Legislação Juridica(DNALJ),Direcção Nacional Registo Notariado (DNRN),Centro Formação Juridica (CFJ),Defensoria Publiko (Def.Pub.)Direcção Nacional Serviso Prisaun (DNSPRS),Direcção Nacional Terras e Propriedades Serviso Cadastais (DNTPSC),Director DNTPSC no Director DNRN distrito 13, chefe Departamentos no mos tecnico Profissional iha Ministério da Justiça.

Cnetro Formação

Iha planu ministério da Justiça sei halo reuniaun Jeral ida ba seitor Justiça hotu hotu inklui Tribunais ho Ministério Publiku to'o iha konklusaun ida katak tenke iha plano ida deit ba seitor justica. Iha fulan Marco 2009 ita sei halo debate ho aprovasaun ba plano integrado ida ba seitor justica nebe sei involve mos Tribunais ho Ministério Públiku atu deskute diak liu tan ita nia programa ita nia plano ida nebe ida deit ba seitor justica tomak.Hau koalia ona ho Tribunais ho Ministério Publiku hodi tur hamutuk hodi hare prepara organiza Workshop Nasional ida iha fulan Marsu 2009 atu aprova ita nian Plano Estrategiku(PE).

Tuir plano ba futuru sei loke edifisiu ba DNTPSC, DNRN no Direitos Humanos iha distrito 12, kona ba rekurso Humanus iha Ministério Justiça sei la rekruta tan funsionariu permanente foun, maibe sei tau atensaun liu ba funsionariu temporariu nebe iha ministériu justica laran.

Iha sorumutu ne'e Ministra hatutan," iha tinan ida ne'e Ministério da Justiça hetan orsamento nebe mai husi orsamento jeral do estado aprova iha Concelho de Ministro 28.3 % kompara ho ministério kiík oan sira seluk. Seidauk konta ho ajuda bilaterais multiraterais hanesan UNDP,UNICEF, AUSAID no sira seluk."