Dili-Forsa Stabilizasaun Internasional (FSI) intrega edifisiu Heli Port ba Governu liu husi Ministeriu Justisa hodi administra fali propridade estadu nia tamba durante tinan barak propridade neé utiliza husi FSI tamba neé ohin entrega ona ba estadu hodi utiliza atu bele hari fali edifisiu estadu nia iha fatin refere, hand over neé lao iha Bairo Pite Palacio Prezidente nia kotuk Segunda Feira neé (25/03).

Hafoin halaó hand Over Ministru Justisa,Dionisio Babo hateten katak propridade estadu nia neébe durante neé Forsa Estabilizasaun Internasional uza durante neé ohin ofisialmente intrega ona ba governu liu husi Ministeriu Justisa no propridade neé ho nia luan kuaze hectares 7 tamba neé agora tenke tau ona seguransa atu bele tau matan ba ekipamentus neébe sei iha hela se lae sasan sira neé sei lakon hotu.

“Propridade neé partensia ba estadu no agora iha parte kotuk hectares 1 sei intrega ba Prezidente da Republika hodi aumenta tan edifisiu Prezidente da Republika no iha sorin fali hectares 6 sei interega ba Parlamentu Nasional atu halo instalasaun foun ba Parlamentu Nasional no sira seluk sei intrega ba estadu atu bele halo instalasaun ba edifisiu governu nia neébe sei dauk iha”Dehan MJ.

Ita hotu hatene katak agora dadaun rai estadu nia kuaze atu la iha hotu ona no difisil los atu hetan tamba neé ba fatin ida neébe ohin ISF intrega ona ba governu ita bele halo instalsaun ba edifisiu governu nia neébe balun toó agora buka hela rai estadu nia la hetan.

Iha hand Over HeliPort neé partisipa husi Ministru Justisa, Dionisio Babo, Sekretariu Estadu Terras no Propriedade Jaime Xavier, Chefe Gabinete Ministru Justisa,Mateus Rita, Reprezentante husi Prezidente da Republika no Ministeriu Finansas.