Dili, Vise Ministru Justisa, Ivo Valente nudar mos Presidente Board ba organizasaun sosiedade sivil / NGO (Judicial System Monitoring Programme / JSM), partisipa hamutuk ho entidades Estado balun, hanesan Vise Presidente Parlamento Nasional Sr. Adriano do Nascimento, reprezentante Tribunal de Rekúrso Juiz Sr. Deolindo, administrador Tribunal Distrtal de Dili, Juiz Sr. Duarte Tilman, presidente komissaun sira iha Parlamento Nasional, defensor público Geral, Dr. Sergio Hornai, komisaria Direito labarik Sra.Aldajiza Ximenes, no representantes sira husi embaxada lubuk ida, hanesan Embaxador Malázia Sr.Tajul Aman Mohamad, doadores ba sector Justisa, hanesan USAID, AusAid, Justice Fasility, The Asia Foundation, noo seluk 2, akompanha evento principal ba lansamentu Relatorio anual ba assunto rua : 1. Relatorio tinan 2012 ba observasaun jeral ba setor Justisa, 2. Relatorio observasaun Parlamentar tinan 2012. Loron 5 de abril 2013, iha Hotel Garden Pantai Kelapa, Dili.

Intervenientes sira iha okaziaun neé, hotu-hotu fo apoiu no motiva JSMP atu kontinua fo nia kontribuisaun ba setor Justisa ho ideias, kritikas no fo mos solusaun escritas ba entidades Estado hotu, hodi buka solusaun ida nebe diak liu ba povu Timor - Leste.

Vise Ministru Justisa, Ivo Valente iha hanoin nebe la hatoo formalmente iha okaziaun refere, observa katak, Relatorio sira konaba setor Justisa ka knar publiku nian importante atu estuda klean, no konsidera possibilidades sira atu implementa, ho kondisaun nebe adequado tuir realidade Timor oan nian.

Relatório sira nebe JSMP lansa, hatudu sinal progressu lubuk ida mai setor Justisa, maibe ita sei iha desafius/obstakulus lubuk boot iha oin, nebe ita hotu tenki hakat liu/ ultrapasa, hodi garante direitu no dever ba sidadaun tomak !
Seremonia ne remata ho diskursus husi partes lubuk ida, liu-liu husi agentes / autores justisa nian.