Dili, Vise Ministru Justisa, Ivo Valente, lidera no o orienta reuniaun preparativu relatório trimestral Ministeriu Justisa, iha loron 5 Abril (oras 15.00 too 18.00). Reuniaun ne partisipa husi dirasaun tomak iha Ministeriu Justisa, Director Jeral, Directores Nasionais no Chefe gabinete Vise Ministru Justisa Sr. Julio Tilman. Iha reuniaun ne Vise Ministru Justisa, Ivo Valente hatutan katak directores hotu – hotu atu prepara Relatório Trimestral Ministeriu Justisa no hatudu formatu nebe oficial atu prienxe husi kada dirasaun,
(forma MATRIX nebe tenki hatama ba Gabinete Primeiro Ministru no Ministeriu Finanças) segunda feira dia 8 de abril 2013, tuku 14.00.
Vise Ministru Justisa, Ivo Valente, husu ba Diresaun hotu-hotu atu kompleta no deskereve iha relatório nebe tenki bazeia ba Planu Sektor Justisa tinan 2013 nian (hare livru plano estrategico sektor Justisa 2011 - 2030), no hare mos ba Planu Assaun Anual Ministeriu Justisa nebe hatama ba ona Parlamento Nasional, ho nune, prienxe aktividades sira iha fulan tolu kotuk (Janeiro, Fevereio no Marco Tinan 2013).
Husu ba diresaun ida – ida, atu hatudu iha formatu sira konaba sira nian aktividades durante Trimestral ba dahuluk tinan 2013, oinsa aktividades refere hakarak atinji no Planu Annual (METAS) tinan 2013 nian laran. Ezemplos : Director Dr. Celito Cardoso hatutan katak nian programa ba tinan ne “ Atu halão servisu tuir padraun legal no instrument internasional ba relatóriu progresu implementasaun tratadus iha Timor – Leste”. “ Prepara proposta no loke escrisaun ba vaga Assesor Nasionais `iha DNDHC, atu fo apoiu ba servisu DNDHC nian iha area Direitos Umanos, halo ona termus referensia, proposta ba vaga assessor, halo anuncio publiku no finaliza ona intervista”.

Maioria diresaun sira iha MJ, apresenta ona sira nian relatório refere, iha balun maka hatoo ona maibe sei necessita ajustamento fo formatu oficial (Matrix nian), balun hatoo ona iha lingua tetun, nebe sei percisa tradus ba lingua Portugues.
Reuniaun nee, termina ho konkluzaun katak, atu finaliza relatóriu ne ho diak no tuir tempo nebe determinadu, Vise Ministru Justisa, Ivo Valente, autoriza servisu extra, iha loron sábado ka domingo, ho kondisaun katak, iha segunda-feira dia 8 de Abril 2013, tuku 10.00, dirasaun hotu-hotu tenki hatama ona ba Sr.Izolino Marques (Chefe Departamentu Planeamentu), atu kompila no submete ba Gabinete Primeiro Ministru.