Dili-Ministru Justica, Dionisio Babo partisipa iha diskusaun entre Ministerial kona ba prosesu elaborasaun Planeamentu Dezenvolvimentu Integradu Distrital (PDID) no Planu Investimentu Distrital (PID) tuir dekretu lei no 4/2002 ne’ebe aprova ona iha konselehu Ministru iha tinan kotuk diskusaun neé halao iha Hotel Timor Quarta (10/04)
Hafoin loke diskusaun Ministeriu Administrasaun Estatal, Jorge Teme hateten katak objektivu halo diskusaun entre Ministerial ida neé atu fo hanoin no opiniaun ruma kona ba prosesu elaborasaun ba projeitu Planeametu Dezevolvimentu Intregradu Distrital (PDID) no planu Investimentu Distrital (PID) hodi tau hamotuk hanoin no opiniaun molok atu aprezenta ba Konselu Ministru.

Iha Diskusaun neé Ministru Justica, Dionisio Babo iha intervensaun hateten katak Projeitu iha ambitu neébe monu iha Planu Investementu Distrital (PID) tamba Ministeriu Justisa mos agora dadaun iha nia delegasaun iha Distritu hotu hanesan Diresaun Nasional Registo Notariadu,Terras e Propriedade e mesmu tempu ba tinan ida neé mos Defensoria Publiku atu estabelese nia delegasaun iha distritu.
“Hau (MJ) sei lembra iha diskusaun ida ne'ebé konvoka husi Ministeriu Administrasaun Estatal duni depois ida neé Ministeriu Justica mos hatama projeitu ba konstrusaun depois de rejultadu projeitu sira neé kanseladu hotu tamba neé hau (MJ) sujere atu esklarese tamba saida mak projeitu neé kanseladu ”Dehan Ministru Justica Dionisio Babo.
Iha Diskusaun neé mos Vice Ministru Justica Ivo Valente iha intervensaun mos hateten katak Ministeriu Justica iha tinan ida neé mos iha planu atu estabelese tan delegasaun Defensoria Publiku iha Distritu maibe Ministeriu Justisa rasik sei la iha tekniku atu prepara BOQ no Dezenû tamba neé hodi difikulta ami nia prosesu ba konstrusaun ba projetu neé.
Iha diskusaun neé partisipa husi Ministru Justica, Dionisio Babo akompania husi Vice Ministru Ivo Valente, Director Jeral Ministeriu Justisa Francisco Carceres no Membru do Governu tomak.