SEKRETÁRIU Estadu Terras Popriedade (SETP) liu hosi Diresaun Nasionál Terras Propriedade no Servisu Kadastrais (DNTPSC) iha tempu badak sei hasai nofifikasaun ba Otél Pauzada Distritu Baucau. Bazeia ba sorumutu daruak nian ne’ebé hala’o iha salaun reuniaun Administrasaun Distritu Baucau iha loron 4 fulan-Abríl 2013 foin lalais ne’e, Diretór Nasionál DNTPSC, Romão Guterres hateten governu liu hosi DNTPSC iha tempu badak sei fó notifikasaun ba Kompaña Oriente Star no kompaña Sofeva Ne’ebé durante ne’e halo sósiu ba negosiu nian hosi utilize Otél Pauzada Baucau.
Terras propriedade sei halo notifikasaun ba emprezariu hirak ne’ebé maka durante ne’e uza fatin refere hodi halo negosiu, tanba kompaña refere la

kumpri tuir regulamentu no kontratu ne’ebé antes ne’e DNTPSC fo ona ba iha sira.
Diretur ne’e hateten ita tempu badak DNTPSC sei hasai surat notifikasaun hodi fó ba iha kompaña rua ne’ebé maka durante ne’e utiliza Pauzada hanesan otél iha Baucau.
Diretur ne’e esplika mós katak, fó tiha notifikasaun, sira mós tenki selu renda ne’ebé maka hahuu iha loron ida fulan-juñu 2002 to’o loron 31 fulan-Maiu 2005, nune’e sira mós tenki selu multa ba estadu tanba sira la kumpre hodi la selu renda ba estadu durante tinan naruk nia laran.
“Hakarak ka lakohi sira tenki selu renda ba estadu tuir kontratu arrendamentu ne’ebé maka antes ne’e asina tiha ona, sela’e sira tenki hosik fatin refere hodi entrega ba ema seluk,” Dehan Romão.
Nia hateten, hahauu hosi tinan 2006 to’o 2013 kompaña rua ne’e sei tuur hamutuk hodi deside kompaña ida ne’ebé maka atu selu renda ba estadu.
Iha enkontru ne’ebé partisipa hosi Diretór Nasionál DNTPSC, Ekipa tékniku hosi Nasionál, Diretór DTPSC Distritu Baucau no kompaña Oriente Star ho kompaña Sofeva ne’e, ko’alia liu kona-ba oinsa atu halo kontratu arrendamentu foun ba iha sira ne’ebé utilize pauzada Baucau.
Romão hateten, tuir prosesu normál bainhira kontratu arrendamentu ne’ebé governu fó maka atu mate, antes loron 45 kompña tenki hato’o ona pedidiu ba iha DNTPSC hodi bele halo renovasaun ba iha kontratu bainhira liu hosi loron 45 maka la hato’o pedidu kompaña tenkli selu multa ba estadu.
Iha fatin hanesan hanesan Amaru Lasecati hanesan Venetranus ne’ebé sosiu ba pauzada ne’e hateten, bainhira la kumpre hodi selu, governu bele administra hodi fó fali ba ema seluk atu bele utilize fatin refere.*