Dili-Ministru Justisa,Dionisio Babo loke abertura ba kandidatura Timor oan neébe passa ona iha selesaun ba primeiru faze kandidatura hamotuk nain 10 no segundu faze kandidatura hamutuk nain 30 total hamotuk nain 40 hodi tuir formasaun majestradu nia ba dala V iha Centru Formasaun Juridico (CFJ) Segunda (22/04).Iha abertura neé Ministru Justisa,Dionisio Babo hateten katak Parabens ba kandidatura sira tamba bele sai ona kandidatura ba majestradu nia hodi tuir formasaun iha Centru formasaun ida neé tamba esprensia uluk loke vaga ita susar atu hetan ema neébe iha kualifikadu tamba neé agora dadaun ekipa rekrutamentu konsege hetan kandidatura hamotuk nain 40 bele prense ona vaga neébe ita presija.

“Hau (MJ) fo Parabens ba imi hotu neébe pasa ona hodi sai hanesan kandidatura majestradu nia hodi tuir formasaun iha Centru ida neé tamba uluk susar tebes atu hetan kandidatura tamba liu husi selesaun ida neébe regiroju tebes atu bele hetan kandidatura neébe kualifikadu maibe agora dadaun bele hetan ona kandidatura hamutuk imi nain 40 neé diak tebes”Dehan Ministru Justisa Dionisio Babo hafoin loke abertura.

Mj mos enkorajen tan ba kandidatura sira katak imi hotu atu mantein ita boót sira nia disiplina banhira ita boót sira tuir formasaun tamba estadu gasta osan neébe boót hodi selu formadores sira mai husi Portugal tamba neé ita boót sira hanesan kandidatura neébe atu sai Defensoria Publiku neébe kualifikadu iha futuru.

Iha fatin seluk hanesan Direitora Sentro Formasaun Juridiku Marcelina Tilman hateten katak konkursu ba selesaun kandidatura ba V formasaun Majestradu no defensoria Publiku halaó ba etava rua kandidatura neébe mai tuir tes hamotuk 221 kompostu husi Mane 164 no feto 57 ba kandidatura neé hetan kandidatura neébe kualifikadu mak hamotuk nain 40 mak sai kandidatura hodi tuir formasaun.

Material sira neébe fo tes ba kandidatura mak hanesan Kodiku Penal,Prosesu Penal,kodiku Sivil,kodiku Prosesu sivil.

Iha abertura neé partisipa husi Ministru Justisa,Dionsio Babo,Prezidente Conselhu Gestao e Disiplina da Advocasia (CGDA) Nelinho Vital,Diretora Centru Formasaun Juridico Marcelina Tilman no kandidatura majestradu sira.