Dili-Tuir Ministru Justica, Dionisio Babo hateten katak hau (MJ) apela ba ita nia komunidade sira atu lalika hari uma arbiru iha propridade estadu nia atu nune lalika halo polimika fali entre komunidade ho estadu tamba durante née rai estadu nia neébe mamuk komunidade sira ba okupa hotu banhira estadu presija atu halo projeitu sira sei husu fali kompensasaun ba estadu.
“Husu ba komunidade sira hotu atu kolobora hamotuk ho ita nia lei neébe ita iha atu lalika naran hari uma arbiru iha rai estadu nia tamba dala barak ita nia komundade sira hare rai mamuk ba okupa tea depois halo uma toó estadu presija rai haruka sai lakoi sai husu tan kompensesaun husi estadu ”Dehan Ministru Justica Dionisio Babo hafoin partisipa iha Enkontru Konselhu Ministru Terca (23/04)

Ministru mos informa tan husu ba ita nia komunidade sira hotu atu kopera hamotuk ho ita nia estadu liu-liu ba Ministeriu neébe kompetente atu fo hatene lalao lei neébe iha banhira atu hari uma iha rai estadu nia tamba ita nia nasaun presija dezenvolvimentu atu lao sei ita mak nune hela deit banhira mak ita nia nasaun atu ba oin.
“lei ida neébe agora dadaun atu haruka ba Konselhu Ministru aprova neé laos deit atu funsiona ba governu agora maibe neé permanente ona ba governu neébe deit mak kaer ukun iha futuru mos sei lao tuir lei neébe iha ona tamba ema hotu-hotu iha lei nia okos atu partidu A ou B mak mai ukun mos tenke lao tuir lei laos atu halo buat ida tuir sira nian hakarak”dehan MJ
Ministru Justica mos akresenta tan katak kuandu hau (mj) mak okupa rai estadu nia mos aban bainrua estadu foti hau tenke kumpri tamba lei mak regula ita hotu tamba rai estadu ita ba okupa banhira estadu presija ita fo deit ita lalika dehan fali rai neé pribadu neé la los.