Dili-Ministru Justisa, Dionisio Babo ho Sekretariu Estadu Seguransa (SES) Francisco Guterres hasoru malu ho Ministru Negosio Estranjeiru (MNE) Jose Luis Guterres hodi diskuti problema droga neébe sempre akontese iha Timor Leste,inkontru neé haláo iha Gabinete MNE Pantai Kelapa Dili Kuarta (24/04)
Hafoin hasoru malu Ministru Justisa, Dionisio Babo iha intervista hateten katak ohin ami mai hamotuk Ministru Justisa, Sekretariu Estadu Seguransa, Ministru Negosiu Estranjeiru hodi diskuti problema liu-liu droga neébe agora dadaun tama mai iha Timor Leste hodi fo inpaktu ba ita nia juven sira nia futuru.

“Ita hotu hatene katak agora dadaun droga mosu iha Timor Leste komesa barak ona oinsa ita bele halo relasaun diak ho paiz sira vizinhu sira hanesan Indonezia,Australia,Singapura,Malaisia atu bele kopera hamotuk hodi halo prevensaun ba droga neébe sempre tama mai Timor Leste liu husi fronteira neé,

se ida neé mak ita la halo intervensaun mak sei fo inpaktu ba ita nia rai liu-liu ba juventude sira neébe hakarak komete iha krimi droga hodi estraga sira nia futuru” Dehan Ministru Justisa Dionisio Babo.

MJ mos informa tan agora dadaun Ministeriu Justica iha Policia Investigasaun Criminal sira neébe ba tuir formasaun iha Portugal iha area espesifiku hodi hare ba krimi sira neé liu-liu droga tamba sira estuda kona ba ida neé duni,maibe inportante mak neé ita tenke halo koperasaun diak ho nasaun vizinu sira hodi halo prevensaun ba droga neé tamba ida preguju tebes bele fo inpaktu ba ita nia nasaun liu-liu ba ita nia juventude sira.