Dili-Programa Ministeriu Justisa,Liu husi Diresaun Nasional Registo Notariadu (DNRN) servisu hamotuk ho Ministeriu Saude hahu halo kampania ba registu moris ba labarik neébe foin moris idade 0-5 atu bele ba iha Sentru Saude ou Diresaun Nasional Registo Notariadu neébe Ministeriu Justica indentifika ona hodi sai hanesn fatin ba registu moris labarik neébe foin moris ho idade 0-5 tenke ba registu hodi sai hanesan Sidadaun Timor Leste.

Tuir Ministru Justisa,Dionisio Babo hateten katak programa ida neé realiza tamba sevisu hamotuk entre Ministeriu Justica ho Ministeriu Saude hodi hahu halo kampania ba registu labarik idade 0-5, programa neé hahu kedan governu AMP nia no agora hanesan kontinuasaun hodi fo hatene ba ita nia komunidade iha Teritoria Timor laran tomak atu bele hatene banhira labarik moris mai tenke ba iha sentru saude ou DNRN atu bele registu kedan.

“Programa pilotu ida neé hahu kedan iha tinan kotuk e iha fulan kotuk hahu halo primeiru lansamentu iha Distritu Covalima e agora hanesan kontinuasaun ba iha Distritu sira seluk hodi fo hatene ba ita nia komunidade sira atu bele hatene hodi lori bebe sira neébe foin mak moris atu ba tau naran kedan, hodi sai hanesan sidadaun Timor Leste hodi garantea nia direitu ba iha edukasaun,saude no seluk tan”Dehan MJ Dionisio Babo hafoin halo lansamentu iha Sentru Saude Comoro Quarta (08/05).

MJ mos informa tan katak registo ba labarik idade 0-5 neé inportante tebes bele sai hanesan baze legal ida ba estadu hodi halo planu tamba ita atu halo planu mas ita la hatene ita nia populasaun hira mak agora aumenta ita difisil atu halo dezenvolvimentu tamba nee’husu ba ita nia komunidade sira hotu liu-liu ba inan feton sira banhira bebe moris tenke ba halo registu kedan.

Iha lansamentu neé partisipa husi Primeira Dama Isabel Fereira,Ministru Justisa,Dionisio Babo, Vice Ministra Saude,Reprzentante UNICEF,Direitora DNRN Maria Fatima no funsionariu tomak husi DNRN no Ministeriu Saude.