SEKRETÁRIU Estadu Terras Propriedade (SETP) Jaime Xavier Lopes iha loron 16 to’o loron 17 fulan-Maiu 2013 hala’o sosializasaun Lei rai No. 1/2003 no Artigu 54 konstituisaun RDTL ba komunidade sira iha Distritu Oe-cusse.

Sosializasaun ne’e rasik iha loron dahuluk hala’o iha Citrana, iha sosializasun ne’e ba Komunidade sira iha Citrana hateten, rai importante ba ema hotu nia moris, tanba buat hotu halo iha rai nia leten, la iha buat ne’ebé harii iha loron leten.

Komunidade sira hosi distritu Oe-cusse iha antusiazmu makaas hodi partisia iha sosializasaun lei rai No 1/2003 no konstituisaun RDTL atrigu 54 ne’ebé hato’o hosi Sekretáriu Estadu Terras Propriedade (SETP) iha Citrana Sub Distritu nitibe ho Suko Kunha Sub Distritu Pante Makasar disritu Oe-cusse.

Sosializasaun lei rai nian ne’e SETP liu hosi ninia intervensaun hateten, rai importante ba ema hotu nia moris tanba buat hotu halo iha rai nia leten.
Tanba ne’e Jaime husu ba komunidade sira tenki uza rai ne’e ho di’ak hodi labele hamosu problema kona-ba rai, bainhira mosu problema ruma kona-ba baliza tenki bolu malu halo di’ak hodi bele rezolve problema ho ulun malirin.

Iha oportunidade ne’e nia mós husu ba komunidade sira ne’ebé uza rai estadu tenki buka solusaun atu bele halo kontratu arrendamentu ho estadu, nune’e fatin rai estadu ne’ebé komunmidade sora okupa governu bele konsideira legál.

“Hau husu ba komunidade sira tomak atu labele fa’an rai ba ema estranjeiru, tanba tuir konstituisaun RDTP artigu 54 alinéia 4 hateten momoos katak sidadaun Timor-Leste deit maka iha direitu atu sai nain ba rai iha Timór-Leste no ema estranjéiru sei la iha direitu atu sai nain ba rai pedasuk ida iha Timór-Leste.” Dehan Jaime.

Iha biban ne’e Administradór Sub-Distritu Oe-cusse hato’o ninia agradesementu ba iha SETP tanba bele ba to’o iha komunidade sira hodi esplika lolós lei rai nian ba komunidade sira.

João Musquita hanesan komunidade hosi Suku Kunha, Pante Makasar husu ba SETP liu-liu ba sira ne’ebé hela iha rai estadu ninia propsesu la’o oinsa, sir abele hetan mós sertifikadu na’in ba rai ka lae.

Nia hateten, hanesan komunidade sira sente kontente tanba sira bele hato’o direitamente sira nia problema ne’ebé maka durante ne’e sira infrenta ba iha Sekretáriu Estadu Terras Propriedade.

Sosializasaun ne’e rasik hetan partisipasaun hosi Administradór Sub Distritu, Lider Komunitáriu no Komunidade sira iha fatin refere*