Dili-Embaixador Portugal ho nian komitiva hasoru malu ho Ministru Justica Dionisio Babo hodi koalia liu kona ba koperasaun bilateral entre Embaixador Portugal ho Governu Timor-Leste liu husi Ministru Justica liu-liu iha seitor Justica nian.

Tuir MInistru Justica Dionisio Babo hateten katak objektivu iha enkontru entre Ministru Justica ho Embaixador neé atu hametin koperasaun bilateral entre nasaun rua Timor-Leste ho Portugal iha futuru liu-liu iha seitor justica nia.

“Ita hotu hatene katak durante neé koperasaun entre nasaun Portugal liu husi nia embaixador iha Timor-Leste sempre fo apoiu makas ba Timor-Leste liu-liu iha seitor Justica nian” Dehan Ministru Justica, Dionisio Babo hafoin halo enkontru ho Embaixador Portugal iha Gabinete Ministru Justica Caicoli Kuarta (22/05).

MJ mos informa tan katak durante neé governu Timor-Leste liu husi Ministeriu Justica haruka ona timor oan barak mak ba tuir formasaun iha Portugal hodi hasae tan sira nia konhesementu iha area espesifiku liu.

Iha fatin seluk Embaixador Portugal iha Timor-Leste Manuel Gonsalves de Jesus hateten katak Portugal prontu nafatin afu fo apoiu Timor-Leste liu-liu iha seitor justica nia iha Timor-Leste, durante neé mos Timor Oan barak mak ba tuir formasaun iha Portugal hodi hakasae tan sira nia konhesementu kompesaun neé laos deit atu para ona iha neé maibe sei kontinua nafatin iha futuru.