Ministériu da Justiça liu husi Direcção Nacional de Direitos Humanos e Cidadania DNDHC,Departamento Relações Públicas, Documentação e Divulgação coopera ho organizasaun Internasional The Asia Foundation halo programa divulgasaun liu husi radio no Televisaun Timor Leste.Debate neé ho tema," Asesu ba Justiça Formal no Justiça Tradisional".

Tuir plano serviso anual departamento ida neé sei halo kampanha ka konsultasaun ba komunidades liu husi media elektronika iha teritoria tomak inklui radio komunidades iha distritus hotu.

Programa neé ba dahuluk halao iha studio radio Lorico Lian - RALO iha 22 de Abril 2009, orador ba programa debate neé Sr. Director Direcção Nacional de Direitos Humanos e Cidadania, Dr. Lucas Antonio da Costa, Ministériu Justiça, Sra. Directora Direcção Nacional Asesora Legislação e Juridiça, Dra. Marcelina Tilman - Ministériu Justiça no Sra. Dra. Maria Agnes, Judicial System Monitoring Program (JSMP), representa sosiedade Civil no moderador ba programa neé chefe Departamento Relações Públicas, Documentação e Divulgação, Sr. Dr. Celito Cardoso.

Programa debate iha Televisaun Timor Leste ho tema "Código Penal foun no nia Implementasaun iha Timor Leste". Realiza iha dia 6 de Maio 2009 halo gravasaun no publika iha TVTL, iha 7 no repeite fila fali iha dia 10 de Maio 2009 publikasaun ba komunidades. Orador ba debate neé Sr. Dr. Sergio Hornai, Coordenador Defensor Pública, Dr. Luis de Oliveira Sampaio, Director JSMP, Dra. Fernanda Borges, Presidente Komisaun A Parlamento Nasional no moderador Sr. Dr. Timotio de Deus husi The Asia Foundation. Tuir orario neébé planeado ona, programa neé sei halao iha TVTL kada fulan ida dala ida iha programa," Hanoin Lisuk no Interaktivo". Husi programa debate iha radio no televisaun neé sei iha mos informasaun balun neébé importante ba komunidades atu hatene mak hanesan brosur no drama konaba oinsa komunidades bele asesu ba ministeriu justiça hodi hetan dokumentus neébé sira presiza.