Dili, Vise Ministru Justisa Ivo Valente, lidera reuniaun konsellu konsultivo quinquinal, Ministeriu Justisa, loron 04–06–2013.Reuniaun ne partisipa husi dirasaun tomak iha Ministeriu Justisa, Director Geral, Directores Nasionais.Iha reuniaun ne Vise Ministru Justisa, Ivo Valente hatutan katak foin lalais ne halao vizita servisu ba distritu, Bobonaro, Manatuto, Baucau, Viqueque, Lautem, Aileu no ikus iha Oecusse (Pante Makasar), identifika impedimentos ruma iha lalaok servisu lor-loron dirasaun nebe iha Distritus sira, entre balun maka laiha linha Internet nebe durante tinan 1 ka liu ona la assesu ba rede internet, no mos transporte atu halao kontinuasaun ba levantamento servisu kadastro ba iha distritu Oecusse.

Agenda reuniaun ne informa ba dirasaun hotu – hotu atu prepara planu orsamentu ba tinan 2014, kada dirasaun ida – ida tenki submete ba Ministeriu Financas, Gabinete PM ikus liu dia 20 fulan Junho.

Ikus liu kada dirasaun sei fo hatene atividade durante semana rua kotuk sira halao noo informa ba konsellu kona – ba planu de atividade semana rua ba oin. Tuir mai husi dirasaun Defensor Publiku, Dr. Sergio Hornai hateten katak iha planu 2014 sira sei halao programa desenvolvimentu Nasional.

Oinsa Justisa ne laos iha deit Nasional maibe Justisa hakbesik ba povu nia let. Criasaun Vaga ba official Justisa nebe hotu ona estagia iha Cabo Verde hamutuk ema nain 16. Defensor Publiku mos sei halo SEDE ho nivel Nasional atu bele tau konsellu suprior, nune mos ho ekipamento hanesan, komputador, etc.