Dili-Organizasaun defisiente matan, hasoru mau ho Ministru Justica, Dionísio Babo hodi koalia kona ba estatutu difisente sira nia atu nune sira mos bele iha direitu hanesan mos sidadun sira seluk, Reiniaun neé halaó iha Gabinete Ministeriu Justica, Caicoli Dili, Kuarta Feira (10/07).Iha Reiniaun neé Ministsru Justica, Dionisio Babo infoma katak Ministeriu Justica liu husi Diresaun Nasional Assessoria Jurídica e Legislação (DNAJL) prontu atu bele fasilita estatutu defisiente nia maibe importante mak tenke kria ekipa de servsiu ida atu bele halo diskusaun ba artigu balun neébe koalia liu kona ba direitu difesinte nia e tenke halo kordenasaun ho Ministeriu neébe relavante hanesan MSS atu bele hare.

“Importante mak ita boót sira tenke kordena hamotuk ho Ministeriu neébe kompetente hanesan Ministeriu Solidaridade Social neébe durante neé sempre fo asistensia ba ita boót sira, ba Ministeriu Justica liu husi Diresaun DNAJL atu bele fasilita ita boót sira nia estatu hodi aprezenta ba Konselhu Ministru hodi hetan aprovasaun maibe neé laos fasil tenke kria ekipa ida atu bele tur hamotuk hodi diskuti”Dehan Ministru Justica, Dionísio Babo.

Iha fatin seluk Gaspar do Santos reprezenta defisiente informa katak aprezenta estatutu difesiente nia tamba toó agora defisiente sira sei dauk iha estatutu ida atu bele proteje sira nia direitu nudar difesente tamba neé ohin hanesan loron importante ida atu bele hasoru malu ho Ministru Justica oinsa para bele hare ba asuntu ida neé.

“Durante neé ami neébe servisu ba organizasaun ida neé sei esforsu aán tomak atu bele kria estatutu ida ba maluk defisiente matan sira e iha tinan ida neé iha mos konferensia internasional ida iha Nova Yorke sei koalia liu kona ba assuntu defisiente sira nia, iha konferensia neé sei partisipa mos husi ita nia Prezidente da Republika e mos Primeiru Ministru”Dehan Gaspar dos Santos.