Brasilia, Vice Ministru Justisa Ivo Valente, halao sorumutu ho Vise Presidente Superior Tribunal Justisa Brasil,Dr.Gilson Dipp, sorumutu nebe halao iha Intalasaun Tribunal Siuperior andar 4, (04.07.2013 oras 15.00 too 16.30) Juiz nebe esperincia tebes tinan barak explika konaba Funsaun Tribunal Superior Brasil nian, ho sistema nebe atu hanesan iha Timor - Leste.Hatudu mos papel Juizes Brasil nian ho komplikasaun processos sira nebe Juizes sira hasoru diariamente, koalia liu mos konaba assistência jurídica ba ema kiak, nebe barak iha Brasil, nune mos situasaun ekonomia nebe lori povu brasileiro halao manifestasaun iha dalan brasil nian, buat nebe Justisa hanoin percisa politiku sira nia kontribuisaun atu hadia ekonomia povu Brasil, iha fatin hanesan Vise Ministru Justisa Timor - Leste, Ivo Valente explika situasaun Justisa Timor - Leste em geral, funsionamentu sistema Justisa, nomos dificuldades balun nebe autor judicial Timor - Leste sei hasoru, katak, nudar Paiz foun TL tama iha konstrusaun estado ida nebe, iha komitmentu atu hametin Estado de Direitu Demokratiku tuir Konstituisaun RDTL, garante justisa ba ema hotu, kaer metin prinsipiu internasional hotu nebe TL ratifika ona, atu atingi objectivu nasional povu TL tuir lei inan, bem estar ba ema hotu, maibe atu atingi mehi nee, percisa mos esforsu esatdo nian.

VMJ agradese ba Apoiu husi Juizes Brasileiros sira, nebe kontribui barak ona ba estabelesimentu sistema Justisa TL nian iha inicio independência, nune mos hein apoiu sira nee sei kontinua ho forma konkreta liu tan iha futuru, so ho justisa ida nebe kredivel, bele manan konfianca husi ema hotu - hotu, komunidade Internasiona, nasional, hodi manan investimento boot iha Timor - Leste, atualmente, tinan ida nee, TL sei implementa Planu estratégico nasional ida nebe defini ona futuru TL atu ba nebe, hatan ba preukupasaun VMJ, Juiz nee, hatan katak, Superior Tribunal Justisa Brasil nian liman nakloke ba Timor - Leste, atu bele aproveita liu husi dalan seda deit, intercambio ka formasaun ba juízes ka Oficial justisa ka Funsionarius públicos, iha kapasitasaun teknika ka kapasitasaun ba Lingua, STJ Brasil hein ho seriu hodi bele implementa.

Visita VMJ ba Advocasia Geral Uniao ( AGU ).

Vice Ministru Justisa Ivo Valente , iha loron 03.07.2013, halao visita no diskusaun hamutuk ho Advocacia Geral Uniao, dader tuku 09.00- 12.00, Agencia Estado ida nee, nia knaar mak atu foo assistência legal, parecer, sugestaun legal ba Politikus, ba Gestor Estado tomak, ba Funsionarius Publikus, Servidor Estado tomak, hodi gere ka maneja sistema servisu ho dalan professional no legal, Agencia ida ne, estabelece iha instituisaun estado tomak iha Brasil, sira halao knaar atu prevene desizaun politikus, ka diretores sira bele quebra, halai ses husi regras, leis, dekreto de leis, ka regulamentu ruma nebe bele lori konsekuwensia ba responsabilidade penal, civil ka administrativus. Sorumut ne halao ho Advogado Geral Dr.Luis Inacio Lucenas Adams, nebe explica detalhadamente oinsa Agencia advocacia nee funciona, Delegasaun Timor - Leste, akompanha no intende katak, funsaun ida nee, importante mos iha Timor - Leste, tamba oras ne dadauk TL iha ona Planu estratégico nasional ida ba tinan 2015, maibe gestor sira persiza komprende legalidade hodi garante implementasaun Planu estratégico nasional, tuir metas definidas iha planu asaun anual tinan –tinan.

VMJ hanoin katak, Timor - Leste, necessita mos assistência hanesan nee iha Timor -Leste, tamba iha tinan hirak oin mai, sei implementa Desentralizasaun iha TL, politika nebe sei fo poder lubuk oan ida ba Municipios hodi gere rasik sira nia sistema administrasaun no bele halao knaar tuir Lei sira nebe TL aprova ona.

Delegasaun Timor – Leste kompostu husi, secretaria embaixada Timor – Leste iha brasil Dr. Claudia Pereira Soares, secretaria VMJ Solange Pires. Visita Vise MJ Ivo Valente ho nian ekipa remata ho troka lembransa entre Institusaun rua, nebe sai mos hanesan simblu ba hametin laxu amizade ba nasaun rua.