Dili, Vise Ministru Justisa Ivo Valente ofisialmente loke Seminário (workshop) ba Juizes, Procuradores, Defensores Publicos, advogados, Funsionarius Publicos Ministeriu justisa, konaba oinsa investiga krimes sira konaba Breankeamentu Kapital noo financiamento terrorismo, programa nee, hetan apoiu husi komunidade internasional, hanesan husi Estados Unidos da America (USA), liu husi USAID, Uniao Europeia, aprezenta mos oradores husi nasaun lubuk ida nebe sei fahe sira nia matenek / hanoin experinecias konaba kombate krime nebe iha karakter trans-nasional, nudar krime subjasente ba krime branqueamento kapital, ka terrorismo, krime subjasente hanesan krime korrupsaun, trafico droga, trafico ema nian, etc, iha centro formasaun juridika, kaikoli Dili, loron, 26.07.2013.

Evento ida nee, partisipa mos husi Embaxadora Estados Unidos da America Sra. Judith Ferign, reprezentante husi Uniao Europa, reprezentante USAID, Adjunta Procuradora Geral da Republica Dra.Zelia Trindade, no seluk-seluk tan.

Cerimonia nebe halao iha Centro formacao juridical, halao ho diskursu husi Embaxadora USA, no Vise Ministru Justisa nebe foka ba kapasitasaun rekursos humanos sector justisa, iha nia intervensaun Ivo Valente akresenta importansia husi seminario nee, hodi prepara rekursus humanus qualifikadus, hodi responde krimes ho alta kompleksidade hanesan Branqueamento kapital, terrorismo, krime nebe bele mosu iha Timor - Leste, tamba mos, Timor - Leste sei implementa planu estrategico dezenvolvimentu nasional, nebe sei ezekuta orsamentu nebe boot, iha tempo sira oin mai, nune percisa quadros nebe preparadu konhese sistema ezekusaun orsamentu, percisa konhese termos legais, hatene metodu investigasaun hodi bele identifika krimes sira nebe lori impaktu ba ema nia moris.
Antes ensera intervensaun, Vise Ministru justisa agradese ba Estados Unidos America nian, nebe fo atensaun boot, no apoiu sector ba justisa hodi bele antisipa dezenvolvimentu nebe sei mai ho desafius sira nebe sector justisa sei hasoru.

Seminario nee sei halao loron 2 no sei kontinua iha fulan outubro tinan 2013, hodi profunda diak liu tan konesimentu husi partisipantes sira.