Dili- Esbolsu lei rai neébe durante neé Ministeriu Justisa halaó konsultasaun ba publiku no agora dadaun Hetan ona Aprovasaun husi konseilu Ministru, hein atu lori ba iha Parlamentu Nasional atu halo diskusaun lei nee’e sei define dominu Estadu no Privadu no povu sei hetan benefisiu husi lei ne’e.Ministru Justisa Dionisio Babo Informa katak lei rai pasa tiha ona iha konseilu ministru fulan hira liu ba neé,no agora interega ona ba iha prezidente konseilu ministru hodi halo invia ba iha parlamentu nasional atu halo diskusaun.

“ ita nia lei ida nee’e atu responde ba nesesidade nebe mak iha no mos sei fo vantazen boot teb-tebes ba ita timor oan, lei nee’e sei regula propriedade hotu-hotu iha ita nia rai no mos regula konfelitu nebe mak mosu naruk durante tinan 24 nia laran,” dehan Ministru Justisa Dionisio Babo, Sesta (02/08/) iha Salaun Sentru Judisial Caicoli.

MJ informa tan katak lei rai nee;e mos sei hare no mos fo atribusaun liu husi rekoinesementu ba ema ida-idak nia rikusoin, kuandu lei rai nian pasa define ona dominu publiku no mos dominu privadu tamba sidadaun balun hare mota kuak dada hotu ona rai nebe mak iha sira nian.

“Lei nee’e kuandu pasa ida defifni ona lolos dominiu publiku no dominiu privadu, tamba maluk barak agora hare mota kuak sira dada hotu metru dehan sira nian mas sala tamba tuir lei labele,” esplia Dionisio.

Dionsio esplika tan katak area tasi ibun metro too 50 ou 60 nee’e dominiu publiku ninian labele tama ba privadu tamba maluk hotu-hotu presiza hatene liu-liu sira nebe mak hela iha tasi ibun nebe involve ho estadu ninia interese kona ba seguransa.

Total artigu ba esbolsu lei rai hamutuk 93,ho definisaun ba lei rai adat, rai estadu no rai privadu,lei rai lai iha governasaun Aliansa Maioria Parlamentar (AMP) lori tiha ona parlamentu nasional konsege hetan tiha ona aprovasaun maibe eis prezidente republika Jose Ramos Horta Veto no haruka fila ba iha Parlamentu nasional maibe lakonsege debate too lei rai nee’e kaduka ou lavale.