Mj Realiza Konsulta Publiku Ba Lei Terras Iha Distritu

Hahú 6 to’o 31 Julhu 2009,

MINISTERIU Justisa (MJ) segunda, 6 julhu semana oin sei realiza konsulta publika kona ba ante projektu lei ba terras nian iha distritu tomak ne’ebé iha teritoriu Timor Leste.

Konsulta publiku ba ante projektu lei ba terras ne’e rasik sei hala’o direitamente hosi Ministra da Justisa, Dra. Lúcia Maria Brandão Freitas Lobato ho nia tekniku sira hosi Ministeiru refere.

Iha konsultasaun publiku ba ante projektu ba lei terras nian ne’e sei hetan partisipsaun hosi Administradores distritu sira nian, Administradores Sub Distritus sira, inklui mós Xefe Sukus, Xefe Aldeias, Liders Comunitarus, membrus da Polisia sira iha Distritu, konfísoens relijiozas, partidus politikus, ONG’s, sosiedade sivil, emprezariu Lokal, Organizasoens no juventude e feto sira.

Konsulta publiku refere, ba dahuluk hodi loke abertura sei hala’o iha distritu Manatuto, no sei remata iha distritu Oe-cusse.

Ekipa tekniku ba programa konsulta publiku ne’e sei kompostu hosi Diresaun nasional de Assesoria Jurídika e Lejislasaun (DNAJL) no Diresaun Nasionál Terras Propriedade e Servisu Kadastrais (DNTPSC) ho apoiu husi ARD.

Konsulta Públika ne’ebé tuir planu perioridades sei hala’o uluk iha nivél distritu no mo snivel nasionál, ekipa tekniku sura ho apoiu hhusi ARD, sei hala’o mekanizmu kordenasaun ida ne’ebé diak ho organizasaun rede ba Ita Nia Rai, hodi realiza ba konsulta públiku ida ne’e iha nivél sektorál sira seluk.

Durante period prosessu konsulta públiku ne’e, ante Projektu Lei ba Terras ne’e disponibilidade sei fo sai mós iha website Ministeriu justisa nian ho apoiu maxsimu husi departementu IT Ministeriu nian ho ARD.

Suporta ba realizasaun programa konsulta publiku iha rejionál, distritus ho nível sektórial nian sei jfinansia rasik husi orsamentu Ministeiru da Justisa nian liu hosi orsamentu DNDHC, DNTPSC DNRN no DNAJLho apoiu ho ARD.ekipa ba konsultasaun úbliku refere sei kria mos kordenasaun diak ho entidades relevantes hanesan, Ministerio Administrasaun Estatal e Ordenamentu de Territóriu (MAEOT), Administradór sira iha distritu 13, sekretáriu de Estadu Seguransa nian no komando PNTL nível Nasionál e Distritál.



Ananias Babo Horta

Media Officer Gabinete Ministra da Justisa