MJ Loke Abertura ba Sosializasaun Kona Ba Trafiku ba Labarik
Dili-Ministeriu Justica,liu husi Komisaun Nasional Direitu Labarik (KNDL) organiza Sosiliazasaun kona ba trafiku ba labarik neébe sempre akontese iha Timor Leste liu-liu iha Sidade Dili,estudante neébe partisipa iha Sosializasaun neé kompostu husi Pre-Secundario no Secundario iha Sidade Dili,Sosializasaun neé halaó iha Centru Formasaun Juridico Caicoli Dili,Terca Feira (8/10)
Tuir Ministru Justica,Dionisio Babo iha diskursu hateten katak trafiku ba labarik nudar assuntu importante tebes iha paiz ida neé,governu iha dever atu halo fahe no sosializa ba labarik sira atu nune labarik sira bele iha konhesementu diak hodi prepara aán banhira hasoru situasuan ruma ne’ebe iha relasaun ho trafiku ba labarik sira.
“Ita hotu hatene katak agora dadaun iha ita nia let iha ona maneira oi-oin ne’bee trafikante sira uza hodi dada labarik sira ba iha sira nia atividade,alvu husi trafikante sira mak labarik feto ka mane liu-liu ba labarik ho idade kik neébe sei skola hela iha nivel Pre-Secundaria ho Secundario ”Dehan Ministru Justica,Dionisio Babo
Ministru Justica,informa mos katak husu ba labarik sira liu-liu estudante sira atu respeita ita boót sira nia inan aman,professor sira neébe hanorin imi iha imi nia eskola tamba dala barak ita koalia direitu haluha tea dever.
“imi hanesan futuru nasaun nian tenke prepara aán diak liu tan tamba futuru nasuan ida neé iha ita boót sira nia liman,”Dehan MJ
Iha fatin seluk Komisaria Nasional Direitu Labarik Adalsiza Ximenes informa katak husu ba nai ulun sira,lider local, PNTL komunidade no inan aman atu tau atensaun ba ita nia labarik sira,banhira ema ruma neébe imi la hatene mai boli imi tenke fo htene ba Imi nia inan aman ou mestri sira ou PNTL sira atu bele hatene.
Sosializasaun ba trafiku ba labarik neé hetan suporta husi ONG Internasional UNICEF neébe durante neé sempre fo tulun ba Ministeriu Justica liu husi Komisaun Nasional Direitu ba Labarik,iha sosializasaun neé partisipa husi Ministru Justica,Dionisio Babo,Reprezentante UNICEF ba Timor Leste,Komisaria Nasional Direitu Labarik Adalsija Ximens,inkului Profesor no estudante tomak hamotuk 300 resin.
