Lautem Lingua Portuguesa sai hanesan lingua Ofisial Timor Leste nia, tamba neé presija sidadaun Timor Tomak atu bele aprende liu-liu funsionariu Ministeriu Justica, e Iha 2014 Timor Leste sai hanesan uma nain ba konfrensia Nasional CPLP e Ministeriu Justica mak sai hanesan Prezidente CPLP tamba neé Funsionariu Publico Ministeriu Justica nian presija kapasitasaun lingua Portuguesa ho diak molok konfrensia internasional neé realiza.

Tuir Ministru Justica,Dionisio Babo hateten katak iha tinan 2014 Timor Leste mak sei lidera konferensia internasional ba CPLP nia e Ministeriu Justica rasik mak sai hanesan Prezidente ba konfrensia internasional neé tamba neé agora funsionariu publico iha Minsiteriu Justica liu husi Direitru Jeral hasai ona sirkular ida ba funsionariu tomak atu koalia lingua Portuguesa lor-loron iha servisu fatin.

“Ita hotu hatene katak tinan oin Timor Leste mak sei lidera Konfrensia Internasional CPLP neé e Ministeriu Justica rasik mak sai hanesan Prezidente ba konferensia neé tamba neé agora dadaun funsionariu Publico iha Ministeriu Justica nia laran tenke koalia Portuguesa maske koalia diak,koalia la diak inportante tenke koalia”Dehan Ministru Justica, Dehan Ministru Justica,Dionisio Babo hafoin loke abertura ba retiro iha Dom Bosco Fuiloro Sabdu (15/11).

Iha fatin seluk Diretora Nasional Centru Formasaun Juridico Marcelina Tilman informa mos katak Ministeriu Justica liu husi Centru Formasaun Juridico durante neé loke hela Kursu ba funsionariu tomak iha Ministeriu Justica nia laran maibe partisipasaun husi Fusnsionariu mak la dun maximu.

“Apresia tebes ho programa husi DIreito Nasional Ministeriu Justica nia ne’bee bele realiza retiro ida hodi fo korazen ba funsionariu tomak iha Minsiteriu atu bele koalia Portuguesa”dehan Diretora CFJ Marcelina Tilman.

iha retiro neé Diretor Diresaun Nasional husi Minsiteriu Justica tomka iha oportinidade mos hatoó sira nia apresiasaun ba sirkular ne’be hasai husi Direitur Jeral Ministeriu Justica nia ba Direitro Nasional ho Funsionariu tomak atu koalia Portuguesa maske difisil otuan ba sira maibe sira tenta atu aprende fiar katak iha futuru funsionariu iha Ministeriu Justica tomak bele koalia lian Portuguesa ho diak liu tan.