Covalima-Ministru Justica,Dionisio Babo Akompania husi Vice Minsitru Justica,Ivo Valente ho Direitor Nasional Terras e Propridade Romao Guterres halo inagurasaun ba edifisiu Diresaun Nasional Terras e Propridade Distritu Covalima Segunda Feira (18/11).

Iha inagurasaun neé Ministru Justica,Dionisio Babo hateten katak edifisiu ida neé laos deit hare ba nia postura fizika maibe hare mos nia inportansia katak reprezentasaun estadu bele toó iha karaik.

“Edifisiu ida neé sei sai poder boót tebes ba Distritu Covalima tamba ho edifisiu ida neé aban bainrua sei regulariaza no legalizasaun ba sertifikadu ba propridade estadu ou privadu iha Distritu Covalima ”Dehan Ministru Justica.

inportante tebes ba povu Covalima tamba liu husi edifisiu ida bele regulariza propridade tomak iha Distritu Covalima neé tamba neé husu ba funsionariu ne’bee atu utiliza edifisiu neé tenke ho responsabilidade nudar Covalima oan tamba dezenvolvimentu atu lao diak iha Distritu Covalima Funsionariu ne’ebe servisu iha edifisiu ida neé tenke servisu no dezempena funsaun ho diak.

“Husu ba Funsionariu atu hatudu uluk lai ita bo’ot sira nia prestasaun de servisu kuandu iha rekonsementu husi sosiadade no husi povu sira neébe ita bo’ot servi ba maka depois ita bele jusitifika ita nia pedido bele aumetan funsionariu no rekursu parte ne’be mak sei falta”dehan Ministru Justica.

MJ mos salienta tan katak lei pakote de Terras neébe oras neé iha hela Parlamentu Nasionao hateten ona katak husi parte tasi ibun ne’be iha metro 50 labele halo uma tanba neé kategoria propridade estadu.

“Tamba neé husu ba Direitur Terras Distritu Covalima atu servisu hamotuk ho Adminastrado no Komadante PNTL Distritu atu hare ba ida neé tamba neé futuru povu Covalima nia tamba sei iha ema barak mak sei mai investe iha Covalima tamba neé presija mos atensaun husi entidade hotu”dehan MJ.

Iha fatin seluk Vice Ministru Justica,Ivo Valente hateten katak prezensa edifisiu foun ida neé fo korazen diak ba ita hotu nudar responsabilidade ne’be mak ita simu povu nia osan atu servsi sira ho diak.

“Ho edifisiu foun ida neé konsertea lori mos espritu foun ba funsionariu sira ne’be sei servisu iha laran maibe tenke mantein laos iha uma foun mak esprintu foun kuandu uma tuan espritu tuan neé labele spritu tenke foun nafatin hodi servi povu”dehan Vice Minsitru Ivo Valente.