Dili-Ministru Justisa,Dionisio Babo halo reiniaun ho reprezentante UNICEF nian iha Timor Leste, UNICEF hanesan organizasaun Internasional ida nebe fo asistensia liu ba Direitur Labarik iha Mundu inklui mos iha Timor Leste.

Tuir Ministru Justisa,Dionisio Babo iha reiniaun neé informa katak agradese ba UNICEF neébe durante neé sempre fo apoiu makas ba Ministeriu Justisa liu husi Komisaun Nasional Direitur Labarik (KNDL) nian hodi fo tulun no fo protesaun ba Direitur Labarik nian iha Timor Leste.

“Hau (MJ) fo agradese ba Oranizasaun Internasional sira hotu neébe iha Timor Leste liu-liu UNICEF nia apoiu neébe fo ba Timor Leste liu husi Ministriu Justisa hodi proteje direitu labarik nia iha Timor Leste ”Dehan Ministru Justica,Dionisio Babo iha Gabinete Ministru Justisa,Quinta Feira (30/1).

Planu asaun Justisa nian iha tinan oin mai sei hari mos Sentru Juvenil Nasional ida iha Timor Leste hodi garante protesaun ba direitu labarik nian.

Iha sorin seluk Reprezentante UNICEF iha Timor Leste Sr. Rene Van Dongen (Deputy Representative ), iha diskusaun ho Ministru Justisa neé diskuti no rona opiniaun konaba assaun protesaun direitu Labarik nian iha Timor- Leste.

koalia barak planu oinsa estabelese Mekanismu koordenasaun entre Ministerius sira no sosiedade sivil, hodi fo protesaun ba Labarik sira, tuir lei ka konvensauun Internasional nebe Timor Leste ratifika ona, nunee mos tuir artigu 20 husi kodigu penal Timor- Leste nian, bazeia ba propsota nebe iha, sei hamosu koordenasaun entre partes balun hodi hare lalaok, no implementasaun protesaun ba labarik sira nune mos, oinsa hatur prioridade ba prevensaun hodi evita / hadok labarik sira husi violensia ka konflitu ho Lei.
.