Gabinete Vise Ministru Justiça, loron 31-01-2014, iha oras 09:30, Vise Ministru Justiça Ivo Valente, simu vizita husi UNDP (Organizasaun ONU ba Programa Dezenvolvimentu ) nebe cfefia husi Sra. Noura Hamladji (Country Director), hamutuk ho Sr. Farhan Sabih (Assistant Country Director Head of Governance Unit), hodi diskuti no rona halao diskusaun ba enkontru geral sektor servisu sira iha area nebe UNDP fo apoiu ba Estadu Timor –Leste.

Vise Ministru Justiça, nebe sei Lidera enkontru geral ba Area de Servisu Governasaun no Dezenvolvimentu Institusional, ( Area de servisu numeru 3 ), sei aprezenta ba doadores no Ofisial administrasaun publika Estado nian, iha dia 6 de Fevereiro de 2014 iha Timor Plaza, sei tau importansia ba assunto bot 3 nebe UNDP ho Estado Timor – Leste halao hela, hare konaba Programa Nasional UNDP-TL nia Dokumentu 2009 – 20014, nune mos programa koperasaun ba oin, husi tinan 2014 too 2019.

Husi apoiu UNDP ba Estado RDTL, sei hare area ka linha geral 3 hanesan Resultadu husi Programa koperasaun ho UNDP, Dezafiiu sira nebe hasoru hela noo Programa foun ba oin, entre UNDP ho Timor-Leste.

Sorumutu nebe termina iha oras 10.30, sai nudar servisu de linha koordenasaun entre Justiça no UNDP nudar agencia Internasional nebe fo apoiu ba sektor oin - oin iha Timor- Leste, liu liu ba Sektor Justiça.