Gabinete Vise Ministru Justisa, Ivo Valente, Vise Ministru Justisa, 0ras 09.00/ 20/03/2014, simu vizita husi Chefe reprezentante I.O.M iha Timor-Leste, ho delegasaun nebe akompanha husi Sr. Kwado Osafo, nune mos reprezentante Kompania Gemalto Sr. Michael Connory ho Sr. Bourquard Bernard.

Diskusaun refere hodi diskuti konaba assunto ba prosesu passaporte foun Timor –Leste nian electronic Pasport. Hahu ho introdusaun husi visitantes no delegasaun ne, nune mos Vise Ministru Justisa, Ivo Valente informa konaba kompetensian ninian iha area administrasaun nudar responsavel ba assuntos interno Ministeriu nian.

Hafoin nune, tuir Vise Ministru Justisa Ivo Valente nia explika ba visitantes sira konaba procedimentus regras ba konkorencia iha assuntos tenderizasaun nian.

Iha mos kompetensia instituisaun Seluk Estado nian atu hare, no avalia prosesu ba passaporte elektroniku, tamba montante orsamentu nebe boot, ka liu 1 milhaun dolar.

Hafoin hetan explikasaun, Vise ministru Ivo Valente husu ba delegasaun ida nee, hodi sorumutu no diskuti teknikamente ho Dirasaun Registu Notariado nune mos husu atu hasoru Sr. Director Comisaun Nasional ba Aprovisionamentu / CNA.

Sorumutu ne, termina iha oras 10.15 oras Timor –Leste nian.