Gabinete VMJ /31/03/2014, Vise Ministru Justisa, Ivo Valente simu Eix Presidente Tribunal Rekursu Dr. Claudio Ximenes, nebe halao nia kargo iha Timor-Leste desde 2002 to termina tinan 2014. Vise Ministru Justisa, Ivo Valente hatoo nia sentimentu nudar Timor oan nebe sente lakon ema Timor oan ida nebe ho kapasidade teknika juridika as teb - tebes, sente lakon rekusru potensial ida iha Timor-Leste, deseja mos ba eix Preisdente Tribunal Rekursu ne, susesu hodi kontinua nia knaar iha Portugal, Tribunal relasaun nian.

Hafoin termina enkontru pessoal iha Gabinete Vise Ministru Justisa, halao mos sorumutu despedida ho Dirigentes Ministeriu Justisa nian tomak, inklui Director Geral, Diretora Geral CFJ no Directores Gerais sira seluk iha ambitu servisu Ministeriu Justisa nian.

Iha okaziaun nebe nakonu ho emosaun, Vise Ministru ba Justisa, Ivo Valente dala ida tan ofisialmente hato nian sentimentu no agradesminetu ba Dr. Claudio Ximenes nudar Timor oan nebe fo kontribuisaun bot ba progresu sektor Justisa liu tinan 10 ona, hein katak servisu sira ne sei kontinua maske Dr. Claudio Ximenes iha Portugal, nune mos fo oportunidade ba Dr. Claudio Ximenes atu experssa nia sentimentu no imprensaun sira mai dirigentes Ministeriu ida nian, hodi fahe experinsias sira mai Timor - Leste.

Iha oportunidade nee, Directores Ministeriu Justisa nian mos, fo sira nia apresiasaun no desejos ba Dr. Claudio atu kontinua manten servisu professional no manten kontaktu ho Ministeriu Justisa via kanal oin-oin, nebe iha tempo modernu ida nee !

Molok termina sorumutu simples ne, Sr. Dr. Claudio Ximenes Intrega ba Vise Ministru Livru Konsitituisaun RDTL nebe Dr. Claudio Ximenes traduz rasik ba lingua tetum, nune mos Vise Ministru Justisa intrega ba Dr. Claudio Ximenes Kaibau, nudar sinal amizade nebe Dr. Claudio Ximenes sei Lori hodi hanoin hikas Ministeriu Justisa Timor- Leste nian...!!!