Dili -Ministeriu Justica,liu husi Gabinete Inspesaun Auditoria (GIA) ne’be durante neé halo inspesaun no investigasaun ba Diresaun Nasional Serviços Prisionais e de Reinserção Social (DNSPRS) liu-liu ba Guarda Prizaun Becora no Glenu hodi hare liu tan progresu no failansiu saida mak durante neé Guarda sira hasoru,worshop neé haláo iha Cetru Formasaun Juridico (CFJ) Caicoli Dili Terca Feira (8/04)
Iha abertura neé Ministru Justica,Dionisio Babo hateten katak worshop ida neé inportante atu diskuti failansu balun neébe durante neé ita boót sira hasoru e mos hodi indentifika lakunas balun neébe ita boót sira iha,tamba neé tenke partisipa worshop ida neé inprotante hodi diskuti.
“Gabinete Inspesaun Auditoria (GIA) loke worhsop ida neé laos atu hatudu deit ita boót sira nia frakeja deit maibe iha mos progresu balun ne’ebe ita bóot sira halo ona durante neé”dehan Ministru Justica Dionisio Babo.
MJ mos infoma tan katak worshop ida ohin primeiru atu halo avaliasaun ba insitituisaun liu-liu iha Prizaun iha tinan uluk ita hadia uma laran maibe iha tinan ida neé ita presija atu konsolida hodi hametin ona institusaun
“Durante neé ita boót Sira (Guarda) servisu ona tinan barak iha Prizaun maibe nafatin hela deit tamba neé ba tinan ida neé ita tama ona ba pra-kualifikasaun hodi promove ita bóot sira hodi sae tamba neé ejiji ita bóot sira tenke presta servisu neébe diak bajeia ba ita bót sira nia rejime espesial neé”dehan MJ.

Iha fatin hanesan Direitur Jeral Interino Crisogno da Costa Neto hateten katak worshop ida ohin neé atu hatudu fali rejultadu neébe durante neé GIA halo inspesaun ba Guarda Prizaun sira hodi hatudu frakeja saida mak durante neé ita boot sira halo tamba liu husi ema seluk mak bele hatudu ita nia sala tamba ita rasik sei labele hatene ita nia sala,e mos hodi hatudu dezafiu saida mak durante nee ita boo’t sira hasoru.
iha parte hanesan Inspectur Jeral Henrique de Oliveira Ximenes hateten katak worshop ida ohin tamba ona ba loron rua, hafoin Gabinete Inspesaun Auditoria (GIA) simu despashu husi Ministru Justica,katak inspesaun halo hotu ona tenke konvoka worshop ida hodi halo ho guarda sira atu nune sira bele hatene saida mak durante neé GIA halo.