Ministériu Justisa (MJ) liu husi Diresaun Nasionál ba Direitus Umanus no Sidadania (DNDHC) halao programa formasaun ba autoridade lokal sira hanesan profesores, grupu feto, atoridade komunidade, Juventudi sira, konfisoins relijioza no membru Polisia Nasionál Timor-Leste (PNTL) tuir Planu Assaun Annual tinan 2014. Formasaun neé partisipa husi ema nain 40 tuir tarjetu, maibe tanba antusiasmu husi komunidade fatin neba maka partisipa husi ema besik lima-nulu, iha Sub-distritu Hatólia distritu Ermera iha loron 23 no 24 fulan abril 2014.
Domingas G.S.Oliveira ne’ebe Representa Diretór Diresaun Nasionál ba Direitus Umanus no Sidadania iha sesaun abertura hateten katak Programa ne’e halao bazea ba Planu Asaun Anuál (PAA) tinan 2014 ne’ebé planea ona, tinan ida ne’e Ministériu Justisa halao ninia programa iha Distritu Ermera, liu-liu Direitu ba Feto, Lei Nasional garanti Feto singifika katak iha posibilidade aás ba Feto sira atu pertisipa máximu iha prosesu dezenvolvimentu Nasional.

Administrador sub-distritu Halólia, Costodio Soares Martins iha nia diskursu hateten katak agradese ba Ministeriu Justisa tanba bele mai hasae ami nia konsensia ba komunidade iha area rural no ami presisa tebes atu iha kuñesementu ba saida mak kona-ba direitus umanus?. subliña tan katak programa refere sebele aplika dala 1 iha fulan tolu nia laran.
Programa ne’e, partisipa husi autoridade lokál ne’ebe representa husi konselho ba suku 13, iha Sub-distritu Hatólia. Grafikamente fahe ba zona rua: zona A suku 8 no zona B suku 5, ne’ebé partisipa iha formasaun ne’e maka zona A hanesan (Hatólia, Samara, Leimea-kraik, Assu-lau, Ailelo, Manusae, Coliate, Leimea-sorinbalu) menus zona B.

Hafoin remata treiñamentu durante loron 2 partisipantes sira simu kedan sertifikadu husi komisaun organizadora husi DNDHC ne’ebe representa Ministéiu Justisa. Tuir planu, programa hanesan tuir mai sei halao iha Distritu Covalima no Lospalos.

Carlos Gonçalves Dias
Offisiál ba Dokumentasaun