Dili, Prisão Bekora, Vise Ministru Justisa, Ivo Valente akompanha husi Director interino Caritas Australia, Director DNSPRS Dr. Helder Belo, Sub-Inspector GIA –MJ Dr. Lucas da Costa, oficialmente noo simbolikamente loke jogus ba Recluzus/Detido/prizioneiros, iha Prizaun rua Timor – Leste nian Bekora no Gleno.

Atividade ne hetan apoiu husi NGO CARITAS Australia ba komemorasaun loron Restaurasaun Independencia, Timor – Leste ba dala XII. Jogus ne halao iha prisao Bekora no Gleno jogus nebe konkore entre bloko/sela prizaun, hanesan Jogus FUTSAL, BEDMINTON, Joga Chadrez/CATUR, FOKAL GRUPO/Kanta, doasaun/Oferece RAN ba hospital (HNGV), nune mos sei partisipa grupo guarda prizaun/batalhaun ida, tuir formasaun serimonia içar bandeira nasional iha Palacio Governo dia 20 de Maio de 2014.

Intervensaun Vise Ministru Justisa, Ivo Valente haklake katak importansia katak Rekluzus/prizioneiros sira nudar Sidadaun ka laos sidadaun Timor oan, iha direitu atu hetan defesa ba sira nia direitu, hetan direitu ba saude diak, ba divertimentu ( Limitadu), ho nune, wainhira hetan liberdade iha komunidade bele kontribui mos ba dezenvolvimentu nasional Timor - Leste.

Iha sesaun tuir, halao mos simbolikamente intrega ekipamentus desportu husi Caritas Australia ba Vise Ministru Justisa, Ivo Valente nomos intrega kedas ba komisaun organizadora atividade ba komemorasaun loron Restaurasaun Independencia ba XII iha Timor- Leste.

Seremonia ne Vise Ministru Justisa sei baku tampor simbol abertura ba jogus iha Prisao Timor – Leste tomak. Seremonia ne partisipa husi NGO lubuk ida no ho chefe departemento iha ambito Ministeriu Justisa.

Molok remata, Vise Ministru Justisa loke jogu ho tebe bola iha kampu FUTSAL hamutuk ho Prizioneiros sira, no assisste jogu ne minuto balun nia laran, molok fila ba servisu fatin, loron 16 – 05 – 2014.