Lisboa, hahu tuku 11, dia 25 de junho 2014, Vice Ministro Justiça Ivo Valente, sorumutu ho Procuradora Geral da Republica Dra. Joana Marques Vidal, durante oras ida laran, koalia barak konaba politica entre nasaun rua nee, liu-liu hamentin amizade ho Prcuradora refere nudar mos amigo Procurador nian tamba Vice Ministru Ivo Valente nudar belun ba Procuradores barak husi Portugal nebe uluk servisu hamutuk iha PGR Timor - Leste nian, visita nee foka liu ba assunto oinsa rona no hare besik funsionamentu entre Ministeriu Publiku Portugal nian ho PJ (Polisia Judisiaria), nebe Timor - Leste mos adopta sistema ida nebe hanesan Portugal, nune iha hanoin mos atu halao koperasaun ba policias judiciaria Portugal nian. Vice MJ mos akresenta barak importansia servisu Ministerio Justiça halao ona buat nebe apoiu husi portugal. Parte 14:30, Vice Ministru Justiça Ivo Valente, halo vizita kurtizia ba Casa Da Moeda, hodi hare besik servisu halo ba emisaun CHIPS/ Electroniku iha Casa da Moeda Presidente Dr. Antonio Gonsaga fo explikasaun konaba servisu halo passaporte no hatudu modelo passaporte Timor-Leste nia. Iha vizita ne mos Vise MJ tama sala nebe halo passaporte no fatin seluk nebe iha Casa da Moeda.

Oras Portugal 16:15, Vice Ministro Justiça Ivo Valente halo vizita kurtizia ida ba Instituto Camoes, sorumutu ho Presidente Dra. Ana Paula Laborinho durante oras ida laran koalia barak konaba lingua portugues iha Timor-Leste. Algave, Faro, dia 26 de junho de 2014, oras 16:19, Vice Ministro Justiça Ivo Valente halo vizita kurtizia ida, ba Refugio Aboim Ascensao, hodi hare labarik nebe foin moris to tinan 8, abandona husi inan aman, (Ofernato), sorumutu ho presidente Dr. Luis Ullas Boas, explika ba Vice MJ, konaba labarik sira nia estatuto no ho empregada nebe hare labarik sira.

Delegasaun Timor – Leste rasik komposto husi, Assessor Vice Ministro Justiça Dr. João Gonsalves, Sekretario Embaixada Timor – Leste iha Portugal, Dr. Julio Martins, Dr. Jose Amaral, Adido Edukasaun Dr. Ancelmo Aparicio, Adido Komercio Industri Dr. Victor Tavares. Vizita Vise MJ remata ho troka lembransa entre Institusaun rua, nebe sai mos hanesan simbul ba hametin laxu amizade ba nasaun rua.