Gleno-Ministo Justica,Dionisio Babo hanesan mos fundador ba East Timor Coffe Institut (ETCI) ne’ebe hal’ao nia aniversariu ba dala XI hodi halo reflesaun hamotuk entre estudante no korpu dosente sira oinsa atu dezenvolve ETCI iha futuru,selebrasaun ne’e hala’ao iha Kampus ETCI Gleno Sabdu (13/09)
Hafoin halo reflesaun iha intervensaun Ministro Justica,Dionisio Babo hateten katak Distritu Ermera iha potensial ne’ebe bo’ot ba rekursu Naturais liu-liu kafe,tamba ne’e husu ba estudante sira ne’ebe mai aprende matenek iha ETCI atu transforma matenek ne’ebe ita bo’ot sira iha hodi halo dezenvolvimentu iha Distritu Ermera liu-liu oinsa mak atu bele dezenvolve ita nia kafe ne’e iha futuru.
“Istoria har’I ETCI ne’e liu husi Prosesu ida ne’e naruk no difisil tebes iha momentu ne’eba hau Rasik (Babo) partisipa mos iha diskusaun atu hari’I ETCI e agora hau iha emagen balun kona ba reiniaun atu hari’I instituisaun ne’e,tamba ne’e ohin loron ETCI mos hetan akreditadu ona husi Governu Liu husi Ministeriu Edukasaun e fiar katak iha futuru ETCI mos sei sai mos hanesan Universidade iha Ditrito Ermera”Dehan Ministro Justica,Dionisio Babo
MJ mos enkorajen estudante sira katak estudante sira atu labele hanoin mak kaben sedu maibe oinsa mak atu bele hanoin hodi estuda atu bele compete ho distritu sira seluk tamba distritu Ermera agora iha estudante Secundariu barak liu kompara ho Distritu sira seluk maibe iha nivel S1,S2,no S3 Ermera menus liu kompora ho Distritu sira seluk tamba ne’e husu ba alin sira atu kontinu estudu ba oin karik iha posibilidade.

“Ita Ermera hare ba estatistik Estudante iha nivel Secundaria barak liu kompara ho Distritu sira seluk maibe iha nivel S1,S2,ka S3 ne’e menus liu tamba ne’e ita bo’ot sira tenke haka’as a’an hodi estuda hodi compete mos ho distritu sira seluk labele hotu iha Secundaria forma ona uma kain ”Dehan MJ
Iha fatin hanesan mos Fundador ETCI Gilman do Santos mos informa katak ETCI ohin loron iha ona estudante hamotuk 815 no halo ona graduasaun ba dala II e fiar katak iha tempu besik mos sei hala’o tan graduasaun,no ami fiar katak ETCI iha futuru sei sai hanesan Universidade iha Distirtu Ermera,
“Ami husu ba Emprezariu no lideransa hanesan Distrito Ermera nia oan sira atu bele fo nafatin apoiu tomak intermeus de finanseiru hodi dudu nafatin instiutisaun ida ne’e hodi bele sai universidade iha futuru”Dehan Gilman
Iha sorin seluk Fundador Olandina Cairo mos informa katak ohin loron hau sente orgolhu tebes tamba uluk har’I ho naran LAHER maibe ohin lorn transforma ona ba ETCI.
“fofoun Timor ukun an’an ema barak buka kadeira hodi ha’ri Partido politiku maibe ami Ermera oan halibur maluk hodi har’I Instiuisaun ida ne’e hodi bele forma rekursu humanus hodi diversifika ita nia kafe iha Distritu Ermera tamba ita riku ho kafe se ita la honoin ida ne’e aban bain rua ema se mak atu bele mai dezenvolve fali ermera ne’e ”Dehan Olandina.