Suai-Ministro Justica,Dionisio Babo akompania husi Diretora DNRN Maria do Rosario Fatima halo lansamentu ba cartoriu Notariadu iha Distriu Covalima hodi fasilita komunidade iha Distrito Suai liu-liu ba atendementu publiku kona ba legalizasaun documentus,serimonia ne’e hala’o iha edifisiu DNRN Suai Sexta (03/10)
Tuir Ministro Justica,Dionisio Babo ohin hanesan pasu inportante ida hodi marka tan istoria foun ida ba povu Distrito Covalima tamba ohin loron iha ona Cartoriu Notariu hodi bele fasilita ona komunidade sira ne’ebe atu halo legalizasaun ba documentus la presija ona to’o iha Dili maibe bele halo deit iha Suai.

“Prezensa Notariu ida Distrito Covalima ne’e inprotante tebes tamba distansia Covalima ho DIli do’ok tebes dala barak difikulta tebes povu distrito Covalima tamba ne’e ohin ita lansa cartoriu ida ne’e atu bele fasilita komunidade sira ne’ebe atu trata sira nia documentus liu-liu ba legalizasaun documents la presija ona ba to’o Dili ”dehan MJ
MJ mos informa tan katak Distrito Covalima hanesan distrito ida ne’ebe mak iha ekonomia regional forte tebes kompara ho distritu sira seluk tamba iha futuru sei mos problema ne’ebe barak liu-liu kona ba rai no sira seluk tan.

Iha fatin seluk Diretora DNRN Maria do Rosario Fatima mos informa katak lansamentu ida ne’e certoriu ne’e inportante tebes ba povu Covalima tamba durante ne’e difisil tebes ba komunidade sira atu hetan legalizasaun ba documentes presija lakon tempu no osan ba to’o dili hodi halo legalizasaun documentus maibe agora ba oin distrito Covalima la peresija ona ba to’o dili maibe iha deit Covalima ona.
Iha lansamentu Cartoriu Notariu nno konsulta publiku lei kodigu sevil ne’e partisipa husi Ministro Justica,Dionisio Babo,akompania husi Diretora DNRT,Assesor DNAJL no ekipa tekniku husi DNAJL hodi halo konsulta publika ba lei refere iha Distrito Covalima.