Dili, Centru Formasaun Juridika, Vise Ministru Justisa Ivo Valente, halo abertura ba 4 (quarto), kursus formadores, ema nain 29 iha Centro Formasaun Juridika kaikoli, loron 7 – 11 – 2014, akompanha Presidente Advocacia Nelinho Vital, Directora Geral CFJ Marcelina Tilman.

Hahu hosi intervensaun Vise Ministru Justisa Ivo Valente, fo bem vindo ba formadores nain 29 nebe tuir formasaun ba Advogados Privados iha Centro Formasaun Juridika.

Iha fatin ne komesa tinan 2003 kapasita ema ba quardros jurista nain 18 ba primeiro Masterado iha Timor – Leste, husu ba formadores sira atu apreende lingua portugues tamba lingua oficial ita nian rasik mak harí iha nasaun ne. Koraje ba formadores sira atu aproveita didiak oportunidade sira nee, hodi sai Advogados ho qualidade AS, no bele kontribui ba futuro nasaun Timor – Leste iha tempo oin mai, dehan Ivo Valente.

Hein katak, ho passu sira nebe Ministeriu Justisa halo nee, bele asselera formasaun ba quardros teknikus profissionais iha area justisa hodi bele servi ita nia sidadaun sira, liu – liu iha areas remotas, dook tebes hosi sidade.

Ikus liu Vise Ministru Justisa Ivo Valente entrega livros kodigo penal ba formadores nain 29, no fila mai gabinete iha oras tuku 11.