NAINING-Delegasaun Timor-Leste ne’ebé Xefia hosi Membru Parlamentu Nasional trata asuntu infrastutura, Brigida Antonia Correia no Diretór Nasionál Terras Propriedades Servisu Kadastrais Romao Guterres ho nia ekipa delegasaun nain 15 iha loron 20-26 fulan-Setembru 2015 foin lalais ne’e hala’o vizia ofisiál ba iha industria masin-midar trigu no industria karreta ho marka “MSBW” iha Munisipiu Liuzhou Provinsia Guangxi Xina.

Iha oportunidade ne’e delegasuan sira hetan mós oportunidade hodi ba halo mós vizita ofisial ba “The 12th China-ASEAN Expo Agricultural Exhibition” no Expo China-ASEAN Countries Marine Cooperation ne’ebé maka realiza iha Sidade Naining.

Iha biban ne’e delegasaun sira hasoru malu ho Governu Lokal Liuzhou hodi ko’alia kona-ba investor Liuzhou nian neebe maka iha futuru sei mai investe iha Timor-Leste.

Iha fatin hanesan delegasaun Timor-Leste nian neebe maka xefia hosi deputada Brigida Antonia Coria hato’o agradesementu ba iha prezidente Munisipiu Liuzhou hanesan governu lokál munispiu ne’e nian.

Iha vizita ne’e deputada ne’e husu mós ba iha Prezidente Munispiu Liuzhou, Liu Feng atu bele fó apoiu ba kmpana Timor Green Energy hodi bele mai investe iha Timor-Leste.

Durante Vizita, Membru Parlamentu Nasional Asuntu Infrastutura ne’e hateten expo ne’ebé maka realiza iha Naining ne’e importante tebes ba Timor-Leste, tanba ne’e nia sei informa ba iha Governu Timor-Leste hodi bele partisipa mós iha expo sira tuir mai atu ema bele hatene diak liu no bele koinese besik liutan Timór-Leste.

Iha biban ne’e Diretór Nasionál Terras Propriedades ne’ebé reprezenta Sekretáriu Estadu Terras Propriedades ne’e mós husu ba Diretór Ezekutivu Timor Green Energy iha futuru bele involve mós Timor-Leste iha Expo ne’ebé maka hala’o iha Naining, Guangxi Xina.

Iha delegasaun Timór-Leste nian ne’ebé xefia hosi membru parlamenu ne’e, nain 7 hosi Terras Propriedades, Nain 3 hosi Ministériu Solidaridade Sosial, Inklui mós Administradór Munisipiu Lautem no Xefe Suku Fuiloro.

Iha vizita ne’ebé finansia hosi Timor Green Energy ne’e ho nia ovjetivu oinsa maka iha futuru mai Timór-Leste bele hatudu mós ninia produtu lokál inklui mós dezenvolvimentu Nasaun nian liuhosi Expo ne’ebé maka sei hala’o iha tinan sira tuir mai.*
Ananias Babo Horta
Media Officer SETP