SUAI, MJ – S.E. Ministru Justisa Ivo Valente hala’o viajem servisu iha Suai hodi halo inspesaun ba finalizasaun konstrusaun Prizaun Suai, aliénde ne’e, halo mós vizita ba iha Edifísiu Defensoria Públiku Suai, Terras no Propriedades, Rejistu Notariadu Suai, Prokuradoria Repúblika Distritál no Tribunál Suai iha Munisípiu Kovalima, loron Sexta-Feira (29/04/2016).
SUAI, MJ – S.E. Ministru Justisa Ivo Valente hala’o inspesaun ba finalizasaun Konstrusaun Estabelesimentu Prizionál Suai, iha Suku Debos Munisípiu Kovalima, loron Sexta-Feira (29/04/2016).
Konstrusaun Estabelesimentu Prizionál Suai halo hosi Kompañia Lokál Mar Vermelho Unipessoal, Lda. ho valór orsamentu hamutuk $1,078,046.64 dolár amerikanos ne’ebé lokalizada iha Suku Debos, Suai Munisípiu Kovalima.
DÍLI, GMJ – S.E. Ministru Justisa Timor-Leste Ivo Valente halo reuniaun ho membru Komisaun Reforma Lejizlativa no Setór Justisa ne’ebé lídera hosi Dr. Jorge Manuel Ferreira da Graça iha Gabinete Ministru Justisa, loron Kuarta-Feira (27/04/2016).
Dili 22 Abril, Ministériu Justisa hamutuk ho Gabinete Primeiru Ministru realiza Enkontru Grupu Traballu Tráfiku Umanu iha Salaun JL Vila.
Grupu ida-ne’e nu’udar fórum hodi koordena no akompaña kestaun sira kona-ba tráfiku umanu no fahe informasaun no dadus kona-ba kazu sira tráfiku umanu ne’ebé akontese iha Timor-Leste ka internasionál ne’ebé envolve sidadaun timoroan no sidadaun estranjeiru sira, haree liuliu ba labarik no feto no imigrante sira.
MJ, PORTUGÁL – S.E. Ministru Justisa Ivo Valente nu’udar mós Prezidente ba Konferénsia Ministros da Justiça Paíz sira Lingua Ofisiál Portugés (CMJPLOP) hala’o vários trabalhos iha Lisboa-Portugál, hosi loron 18 to’o 21 fulan-Abril 2016.
Tuir mai ne’e, Mídia Gabinete Ministru hatu’un reportajem kompletu:
DIA 18 ABRIL 2016: REUNIAUN HO SEKRETÁRIU EZEKUTIVU CPLP IHA LISBOA
PRAÇA DE COMÉRCIO, MJ – S.E. Ministru Justisa Timor-Leste Ivo Valente ho kualidade hanesan Prezidente Konferénsia Ministros da Justiça Paíz sira Lingua Ofisiál Portugés (CMJPLOP) halo abertura ba Reuniaun Segundu Pontus Kontatu Redi Judisiária CPLP iha Pousada de Lisboa, Praça de Comércio Lisboa - Portugál, loron Kuarta-Feira (20/04/16).
